唔使羨慕人哋 instagram 呃 like 相，依家去尖沙咀 White Button Cafe & Dessert 歎返個「鯨吞艾菲爾 Eat Eiffel in your stomach」一樣可以吸 like！Tea set 一上枱，個法國國旗紅白藍艾菲爾鐵塔，真係會令女仔尖叫！架上有兩層花花型透明架，放上甜品，食嘅除了美麗糕餅，仲係法式浪慢。
「鯨吞艾菲爾 」Tea Set $288/ 2 位用 (配咖啡/ 茶)
呢個 set 唔係浪得虛名，7 款甜點各有兩件，女仔食落都好飽肚。
老闆 Stanley 指推出這個 tea set，意念來自澳門巴黎人開幕，「好想讓未有機會去巴黎看鐵塔嘅朋友，嚟 cafe 都可以感受到法式浪漫。」計我話嚟食個 tea 仲實際，唔止有漂亮造型，食物質素亦好高！老闆是五星酒店甜品師傅出身，設計精緻甜點無難度。一眼望去，7 款甜品中，最吸睛嘅係「75％ 朱克力慕絲配榛子朱古力脆底」，用上 3 種朱古力，包括最外層可可粉製朱古力、中間的 75% 濃度朱古力製慕絲及最底層的 65% 朱古力濃度製榛子朱古力脆底，咬一口，感受唔同的朱古力層次。亮點仲有「黑松露芝士撻」，芝士夠 creamy，撻底夠脆口，配合黑松露嘅濃烈香味，鹹甜交融。另外，女仔見到都好心動的「野生草莓果醬配馬卡龍」，粉紅外表已吸引，原來用上野生士多啤梨製作，味道更清香，不過質地軟身，吃時小心餡料溢出。
「75％ 朱克力慕絲配榛子朱古力脆底」，用上三種不同朱古力製作，味道富有層次。
「黑松露芝士撻」，芝士餡夠 creamy，配黑松露菇香中和豐膩感。
其他幾款甜點包括野草莓慕絲、芒果熱情慕絲、自製泡芙配吉士醬及法式檸檬撻，同樣用上法國食材，cafe 價錢酒店級用料，好有誠意。Stanley 話可另加 $28 配一壺「鹽漬櫻花茶」(原價 $58)，飲落鹹鹹地可中和甜點口感。
美少女覺得甜點未夠皮，仲想心多試埋鹹點，就可以另外加 $98 配「摩天輪」，同樣精緻的輪架上有齊西班牙火腿露筍卷、挪威煙三文魚、玫瑰脆香芝士、香炸法蘭克福腸等，大滿足！
「野生草莓果醬配馬卡龍」用上野生士多啤梨，清甜而不過酸，好醒胃。
「摩天輪」
有齊西班牙火腿露筍卷、挪威煙三文魚、玫瑰脆香芝士、香炸法蘭克福腸等，跟餐只需加 $98 就可食到，十分抵食。
挪威煙三文魚食落幾新鮮，不會過鹹。
西班牙火腿露筍卷，一口一啖剛剛好。
店子另有皇牌飲品「鐵塔」($62)，粉紅色的「巴黎鐵塔」味道是荔枝玫瑰味，杯底更有蘆薈粒，好煙韌。
另一款得意之作係「吸血鬼果汁」($58)，用上士多啤梨汁 + 橙汁 + 芒果汁製作，萬聖節飲好應節。
「鯨吞艾菲爾 Eat Eiffel in your stomach」 下午茶餐
供應時間：2pm - 5pm
價錢：$288 / 2 位 (設加一)
註：暫定供應期至 12 月底
White Button Cafe & Dessert
地點：尖沙咀亞士厘道 23 號 12 樓
電話：2372 9998
文︰celia
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
