呢間新登場的 pancake house 提高咗香港班戟水平，它由西營盤甜品店甜品堂的老闆阿端及 Jojo 開設，他們參考過東京、大阪及台灣的 pancake 名店，試勻全港十多種 pancake 粉，終於試到一隻香港無代理的台灣「鬆餅粉」，做到挺身但軟綿綿的班戟口感，於是不惜工本，直接由台灣運來 4 款班戟粉，加埋運費成本比香港最高級日本貨貴一倍。
「點子」梳乎厘班戟 $88（於 3pm、6pm、9pm 供應，每時段供限量供應 10 份）記者推介必吃，做得出日本 Bills 的 souffle pancake 的功架，班戟脹身唔塌，吃來滿有空氣感，真係似吃梳乎厘。
招牌必試是做出東京水準的限量梳乎厘班戟，即叫即用蛋白打起煎，不入爐焗以免變成蛋糕口感，直接在扒爐煎足 10 分鐘，得出梳乎厘空氣感十足的班戟；也做香港少見的流心厚鬆餅，做法恍如心太軟，但蛋糕變成了 pancake 口感；同場仲有大阪燒及pancake 混血的鹹食班戟。
宇治綠茶日式流心厚鬆餅配豆腐雪糕 $68
做法有點像心太軟，但蛋糕部分換了台灣入口的鬆餅粉做，比心太軟的蛋糕鬆軟，中間放了抹茶朱古力，配豆腐雪糕及宇治抹茶粉，抹茶味甘濃。
三重芝士日式流心厚鬆餅 $68
裏面是忌廉芝士加上 Mascapone 軟芝士做的流心，鬆餅望落挺身，但入口鬆軟。
大阪燒風 Pancake $78
班戟放了黑豚肉、椰菜及打上雞蛋煎，煎好後放日本沙律醬、燒汁及木魚，香口惹味，比大阪燒更具飽肚感。
宇治綠茶 pancake 配雪糕 $68
阿端西廚出身，鹹點甜點樣樣有要求，用韓國 Ocio 抹茶醬、宇治抹茶粉、近 $400 kg 的 Milk top 雪糕同日本絹豆腐等，相當重本。除了班戟，舖頭仲有和風蕎麥麵、沙律及班戟 all day breakfast。
藍柑北海道牛奶雪糕梳打 $48
梳打水加上藍柑糖漿， 上面仲有奶香十足的 Milk Top 牛奶雪糕。
點子 Little Dot Room
地址： 堅尼地城山巿街1 J 地下（近石山街長樓梯）
電話： 從缺
營業時間： 1 2 n n - 1 0 p m（9:30pm last Order）
備註：試業期間不設加一
原文摘自 U Magazine ISSUE 567
歡迎你 like 我哋 U Food Facebook Page / U Food Instagram ，取得我哋更新更快嘅資訊！
