創作出呢個創意無限嘅甜品店，是大坑的 The Pudding Nouveau。甜品店一向走少女風，今次推出呢個咁玩味嘅新甜品，真係好跳脫！原來因為店主見流心乜乜乜實在太受歡迎，於是都今次都整返款流心甜品，畀出名鍾意試新嘢嘅香港人試試！
炸飯波 Making Of 大公開！
甜品師先將新鮮芒果打成蓉再製成啫喱狀，方便釀入飯波中間做餡，然後再將飯搓成球狀。
搓到圓碌碌後，將飯波蘸滿炸粉。
放入油內炸 10 分鐘，炸到表面金黃脆卜卜就搞掂！
芒果流心炸飯波配椰子雪糕 $108
炸飯波真係好巨型，甜品師話一個波就用咗 200 克意大利飯，分量拍得住一碗正常 risotto，好飽肚！甜品外層是用牛奶煮過嘅意大利飯，中間是芒果果蓉流心餡。炸飯波炸得脆卜卜，中間又有煙煙韌韌，好似糯米飯咁。
芒果餡超級流心，甜品師話餡料用咗新鮮芒果製作，味道天然又唔會死甜，酸酸哋嘅芒果味可以中和炸飯波嘅飽滯感。
炸飯波伴以自家製椰子雪糕，兩者 mix 埋一齊食，味道有似曾相識。無錯，就係泰國芒果糯米飯嘅味道！仲可以加啲呍呢嗱汁，撈埋一齊食！不過，因為製作過程複雜，所以每日限量 20 客，不設預先柯打，想食就要早啲去報到！
The Pudding Nouveau
地址：大坑京街 17A 地下
營業時間：星期一至五 3pm-11:30pm， 星期六、日及公眾假期 12nn-11:30pm
文：Jessie、攝：nova
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
