大埔新店開張只有一星期，但 lunch time 已經人頭湧湧，好旺場！這個新甜品「抹茶流心吐司」英文名叫「Green Tea Lava Toast」，綠茶醬 lava 咁勁？食過先知。
抹茶流心吐司 $49
成件吐司最吸睛的，是用上墨汁製作嘅黑色型格吐司，配埋綠色雪糕及紅莓襯托，好型格！食一口綠茶雪糕，奶香沒被抹茶味道掩蓋，切開黑色的墨汁吐司，抹茶醬又沒有預期如岩漿般湧出，不過吐司有微微鹹味，配合抹茶醬一齊食，可平衡甜味，味道唔錯！記得要食埋吐司上的綠茶餅乾脆，好有咬口。
卷．山政小山園 $42
不得不介紹的，仲有綠茶卷蛋「卷．山政小山園」。一聽到「山政小山園」 5 隻字就知係頂級嘅日本綠茶。卷蛋用上 A 級評定嘅綠茶材料製作，食落綠茶香尚算香濃，奶也下得多，所以喜愛食 creamy 綠茶甜品 fans 值得一試。
流心抹茶芝士撻 $52
最後一款綠茶甜品就係聞名不如見面的「流心抹茶芝士撻」。一上枱就已經「仙氣」飄逸，有齊綠茶芝士撻、綠茶雪糕、綠茶貝殼蛋糕，三件食物分量十足。不過切開綠茶芝士撻後「流心」效果未如理想，幸好食落芝士與綠茶味都好濃郁，收貨！
Rainbow Latte $45
Rainbow Latte 用上彩虹食用顏料拉花，夢幻少女 feel，又係呃 like 必飲。
Cafe 內尚有多款精緻蛋糕、甜品及 all day breakfast 等，非綠茶 fans 亦多選擇。
大埔店開業才一星期，裝修同樣雅緻。
荳子 BEANS The Courtyard
地址：大埔安邦路 9 號大埔超級城D區地下 670A-671A 號舖
電話：5537 7465
營業時間：11am-10:30pm
文：Celia、攝：Paul
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
