呢個名為「草莓物語」下午茶自助餐，有成 11、12 款士多啤梨甜品，如果你係士多啤梨控一定失控！有不同產地士多啤梨，食到唔同品種果香果味；做成甜品紅噹噹琳瑯滿目，賣相少女！等我推介當中幾款必食 items 畀你！
必吃 #1：19 吋鮮草莓塔
餐廳最吸睛 item！一粒粒美國鮮紅草莓以竹籤串住，做成一個 19 吋高嘅鮮草莓塔，絕對係一大 selfie 位！影完相，仲可隨心摘嚟食，大大粒，酸酸甜甜好醒胃。
必吃 #2：草莓意大利芝士蛋糕伴燕窩
裏面有以意大利 mascarpone cheese 製成嘅芝士蛋糕、草莓啫喱、海綿蛋糕，仲有燕窩；外面則以手指餅圍住，好 elegant！食落口感超豐富，既有淡淡嘅「芝」香同軟滑口感，又有草莓啫喱嘅清爽，海綿蛋糕則好鬆軟，口感味道錯綜複雜。
必吃 #3：草莓櫻桃雪芳蛋糕
一啖蛋糕一啖忌廉，超香甜；上面仲有很 fresh 嘅草莓、藍莓及櫻桃，酸酸甜甜，夾雜住唔同果香，Berry 控應該會大愛！
必吃 #4：
(上) 草莓意大利奶凍伴燕窩
奶味香濃，很滑溜，加埋草莓粒及手打草莓醬，增加咬口。
(中) 野草莓希臘乳酪伴燕窩
來自法國嘅野草莓，size 比起一般草莓 mini，味道帶微酸，但士多啤梨味超突出！同淡味嘅 greek yogurt 及草莓果凍很夾！
(下) 焗草莓及藍莓杏仁撻伴燕窩
除咗有草莓、藍莓外，裏面嘅蛋糕一樣有原粒藍莓，面層再有薄薄嘅呍呢嗱吉士，撻邊有開心果碎，咁 colorful，睇到都開心！味道層次又好豐富。
(右) 草莓棉花糖
餐廳自家手製鮮草莓棉花糖，草莓味道比一般棉花糖更濃郁突出。
鹹點推介
除咗吸睛嘅草莓甜品外，餐廳仲供應不少鹹食，如刺身、卷物、碗仔翅、即叫即製嘅湯麵、蝦多士、避風塘炸餃子、日式醬燒雞翼等，食些鹹點再吃甜點，可以再衝刺！
刺身有兩三款選擇，有挪威三文魚、日本醋鯖魚、日本魷魚等。
餐廳以柚子、松葉蟹炮製出創作卷物──松葉蟹肉柚子壽司，很清香，又吃到淡淡蟹味。
碗仔翅
有雲耳、冬菇、雞絲等材料，仲有素翅，很足料！
車仔麵
湯底有酸辣湯、清雞湯 2 款選擇，材料有豬腸、豆卜、雞肉、魚片、腩肉等！
（左至右） 避風塘炸餃子、日式醬燒雞翼、蝦多士
花月庭
地址：九龍太子道西 193 號帝京酒店 2 樓
電話：2622 6154
供應日期：即日起至 12 月 11 日
供應時間：逢星期六、日及公眾假期 3:15pm-5:15pm
價錢：成人 $258/ 位、小童 $178/ 位
註：設加一
文、攝：Joyce
歡迎你 like 我哋 U Food Facebook Page / U Food Instagram ，取得我哋更新更快嘅資訊！
