Lunch buffet 共有七十多款食物,心水熱葷有蒸原條海鱸魚、印度 tandoori 雞翼、印式咖喱配 naan 餅及咕嚕肉。
沙律蔬菜翠綠爽口,番茄紅潤多汁。
價錢固然吸引,食物竟然唔減反增,新加入時令生蠔,雖然每次只供應一款,但源源不絕供應。
呢期供應的美國生蠔,蠔肉算有肉地,肉滑邊位爽,蠔味屬中等。每天自助午餐用上 2 至 3 箱蠔,每箱超過 50 隻,即是說平均每人狂食半打!
呢個價錢當然預咗無龍蝦蟹腳呢啲高成本海鮮,不過都有凍食無沙海蜆,越南蝦也隻隻色澤鮮橙帶甜。唔好以為買一送一出品實 hea,刺身天天來貨,質素不差。
三文魚刺身
即點即切,大大件,脂肪紋理清晰,夠肥美又鮮味。星期六及日更增添鯛魚及北寄貝刺身。
也推介兩款花心機炮製的前菜,三文魚以 60 度慢煮 3 個鐘,生熟度啱啱好,唔嚡口;自製法國鵝肝醬前後花上超過一日製成,質地幼滑。
慢煮三文魚
簡單以橄欖油、黑椒及黑醋調味,突出魚味,蘸芒果蛋黃醬,更感清新。
法國鵝肝醬多士
肝味溫和不羶,入口幼滑,唔覺膩,KO 完一件會再食第二件。
Lunch Buffet 鎖定太太客為目標群,知道她們心理上愛暖笠笠海鮮多過生冷嘢熱氣嘢,特設原條蒸海鱸魚、日式魷魚、惹味印度咖喱及一品海鮮煲,仲有一大煲滋補豬腳薑!
太太們唔鍾意甜品太甜,自助餐中的藍莓芝士餅、芒果栗子餅、熱情果荔枝乳酪……一律少糖少甜,款式大路不花巧。要挑剔的話,當然生蠔是即開的更好……不過話說回來,百幾蚊食 buffet,還可任飲果汁汽水,要求不能太高吧!
甜品精選
甜品精不妨進攻杞子桂花糕、芒果杏仁奶凍、朱古力慕絲蛋糕、熱情果荔枝乳酪、芒果栗子餅、藍莓芝士餅、香橙蛋糕。
國際生蠔美食自助午餐
地址:九龍彌敦道 348 號香港九龍諾富特酒店 1 樓 THE SQUARE
電話:3965 8788/ 3965 8782
收費:星期一至五 $308/位,星期六至日及公眾假期 $328/ 位;設加一(大小同價)
供應時間:即日至 12 月 16 日 12nn-2:30pm
文:Vera Gee
(原文摘自 U Magazine ISSUE 670)
相關報導:
餓底必 like!$78 任食即焗 Pizza
實試!翡翠放題得唔得?
2 人行 1 人半價 超抵放題食唔食得過?
歡迎你 like 我哋 U Food Facebook Page / U Food Instagram ,取得我哋更新更快嘅資訊!