相關報導：
食咗當去咗！日本動物園賣萌即食麵
清仔不時都會玩快閃，今次喺尖沙咀「甜品工房」玩 pop up，認真大陣仗！甜品店裝潢來個大轉換，鋪天蓋地都係清仔縱影：食物唔係幾碗丁麵咁簡單，麵食係新品棒丁麵做的多款定食。黑蒜油、九州豬骨同期間限定嘅味噌 3 款口味，每款都配甜品做成定食。
九州濃湯豬骨湯味棒丁麵拉麵定食 $60（配甜品一款）
豬骨濃濃郁，麵條幾滑。 OMG！定食用清仔麵碗 上 枱 㗎，上面有清仔魚蛋㗎！
黑蒜油豬骨湯味棒丁麵拉麵定食 $60（配甜品一款）
黑蒜油賣飛佛！蒜味香口，有 2 塊叉燒。
味噌湯味棒丁麵拉麵定食 $60（配甜品一款）
期間限定口味，湯底味噌濃香，好啱秋冬吃。
相機先食再打咭放上 fb 或 ig，有清仔原子筆或 Memo 送， 貪心嘅我即刻手機狂攻啦。
相關報導：
霸氣外露！原隻松葉蟹配拉麵
鬼佬泰廚 曼谷懷舊粉麵
好正啊！清仔嘜頭甜品
無食埋甜品，點算完美一餐？定食仲甜品，5 選 1，都是 crossover 清仔清妹嘅和風甜品。甜品工房將清仔、清妹嘅可愛樣，融入 5 款甜品內，kawaii。
清仔 Double Happiness $60（拉麵定食跟一份甜品）
我係清仔鐵粉, 一定揀印咗佢嘜頭嘅甜品！呢個木槺布甸製作超認真，最頂嘅係印有清仔大頭嘅白朱古力片！木槺布甸用了豆乳奶油及瑪莉餅碎製作而成，中間仲混入日本紅豆蓉，旁邊嘅日式麻糬以花花造型登場，好靚呀！
紫葡之戀 $60（拉麵定食跟一份甜品）
聽聞今個周末又會熱番，一於捉住夏天尾巴去食冰！呢個富有和風味道嘅甜品集齊提子及香芋，未食就覺得得意！用巨峰汁製作成冰磚，刨成幼細刨冰，再放上美國提子、巨峰霓璃珠、煙煙韌韌嘅小丸子，以及香芋雪糕糯米糍，好大堆頭。酸甜刨冰配濃味味噌湯麵就最夾！
相關報導：
終極紫薯！韓風層層疊刨冰
清妹黑白蜜語 $60（拉麵定食跟一份甜品）
清妹個萌樣真係好打耳呀！甜品仲加入咗黑蒜油豬骨湯味棒丁麵嘅元素。黑色嘅窩夫脆杯其實是黑蒜油味，杯上係自家製作嘅白芝麻軟雪糕，再加多粒黑芝麻流心湯圓，成個甜品好香蒜味和芝麻味，過癮！
清仔草莓派對 $60（拉麵定食跟一份甜品）
Fancy 嘅粉紅色甜品，base 是士多啤梨味布甸及牛奶布甸。加埋新鮮士多啤梨、芝士蛋糕、開心果脆粒及士多啤梨雪糕，成杯小芭菲咁繽紛。
清仔 ICHIBAN $60（拉麵定食跟一份甜品）
鬆軟班戟幾時都咁受歡迎！兩塊熱辣辣嘅班戟，配抹茶雪糕、雜錦鮮果及鮮忌廉，班戟面再加蜂蜜糖漿，香香甜甜；碟邊仲用朱古力粉灑上嘅清仔嗲頭。我唔客氣喇，相機食先！
相關報導：
我要爆喇！足料 Pancake + 軟雪糕
（前）紅豆綠茶鮮奶、（後）藍莓乳酸冰 （跟餐另加 $15）
拉麵定食加 $15 可以揀特飲一杯，首推紅豆綠茶鮮奶呢個不敗組合！茶味清香配香甜腍身嘅紅豆，淨飲一杯當甜品都得啦！
相關報導：
許留山新品！3 層芒果飲品加爆谷
抹茶控 mark 實！5 大辻利茶舖必食甜點
熱賣天地掃精品
精品專區既有多款清仔精品賣，粉絲食飽飽可大肆掃貨。
最叫我等粉絲瘋狂, 係店內有出前一丁精品店「熱賣天地」，必掃清仔杯緣子、多士爐及康樂棋。死啦！實破財啦！不過我甘心~Popup一整個月，鐵粉快啲去排隊！溫馨提示，熱賣天地每天 3pm 至 10pm 開放！
清仔多士爐 $230
出前一丁家族康樂棋 $50
清仔家族購物車 $80
清仔杯緣子 $50
各款棒丁麵 $10 包
甜品工房 （尖沙咀分店）
地點： 尖沙咀厚福街 12-12A 號地下
電話：2732 2722
營業時間：12nn-1am
熱賣天地營業時間：3pm-10pm
供應日期： 即日起至 11 月 30 日
文：Sieg、Jessie；攝：Brian、Jay
相關報導：
巴黎風！靚啡 x 法式下午茶
B 字頭下午茶 食名牌雪茄蛋卷 + Roll Cake
歡迎你 like 我哋 U Food Facebook Page / U Food Instagram ，取得我哋更新更快嘅資訊！
