主攻韓式甜品的 Nun Korean Dessert，一向諗頭多多，甜品總係加添最新最潮元素，抹茶窩夫、紫薯雪奶，時時都有話題。可能見芭菲近年大熱，專門店開了又開，甜品店於是首推芭菲。芭菲唔單止似日式的配料繽紛層層疊，仲做埋兔仔造型，so cute！好多少女都忍唔住同佢 selfie。
【相關報導】
終極紫薯！韓風層層疊刨冰
我要爆喇！足料 Pancake + 軟雪糕
（左）小兔仔紅鑽草莓布甸芭菲 $68、（右）小兔仔綠叢林抹茶布甸芭菲 $68
細細杯嘅芭菲其實好有內涵，紅色嘅士多啤梨味以粟米片及牛奶雪糕做底，再加士多啤梨味粉、新鮮士多啤梨粒、芝士蛋糕、忌廉、士多啤梨味布甸及雪糕，數一數，有成 8 種配料！抹茶味就加咗紅豆蓉及蕨餅，甜品師用朱古力粒及白朱古力片做眼耳鼻仔，可愛到震！
小兔仔香濃焦糖脆脆布甸雪奶 $78
兔仔系列仲有雪花冰！焦糖味雪花冰灑上木糠粉，旁邊圍滿粟米片，口感好脆。自家製嘅布甸，焦糖味非常香濃，滑溜溜。
小兔仔黑森林 Oreo 布甸雪奶 $78
雪花冰鋪滿 Oreo 碎，食落有曲奇脆脆口感。記得與呍呢嗱曲奇味雪糕一齊食，朱古力味double up！
營業時間：星期一至四 2pm-2am、星期五至日 1pm-2am
備註：甜品將於 11 月 1 日，於全綫 Nun Korean Dessert 供應。
文：Jessie 攝：Brian
【相關報導】
