呢個本地薑代表之唔係「半熟工房」，今日 Happy Friday 推出全新口味半熟芝士撻，全綫 3 間分店同步開售。即刻衝咗去試！
半熟奶皇芝士撻 $22
之前半熟工房神神祕祕，只肯講新產品係傳統口味。今日正式開估，原來係奶皇！香港人飲茶最鍾意食流沙奶皇包，中秋又必食奶皇月。老闆話，其實港式奶黃都可以配日式芝士撻㗎！
【相關報導】
大廚用咗 3 個月時間研究，先做到芝士半融、奶黃流沙嘅效果。流沙奶黃餡用了蛋黃加
法國牛油、
吉士粉製作，再加少許鹽提升蛋黃鹹香。上層嘅半融芝士餡刻意減輕芝士味，以突出奶黃香。大廚只放奶味重嘅日本及意大利芝士，以免蓋過奶黃味。
撻皮都經過改良，將原味撻嘅麥香取走，加入少許吉士粉與法國牛油焗製，撻皮脆身唔太油膩，仲有陣陣牛油甘香及奶味，與流沙奶黃好夾！
地址：尖沙咀金馬倫道 6A 地下
電話：2367 9212
營業時間：11am-9pm
註：銅鑼灣、屯門分店有售
文、攝：Jessie
【相關報導】
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
