香港人，邊個打工仔不 OT？朝 9 晚 6 簡直是個夢！ 又到 Blue Monday ，最佳嘅抗抑鬱法就係喪食減壓！ 銅鑼灣嘅「尚鮮日式燒肉魚市場」，於宵夜時段 10pm 後入座， 就可以有二人同行一人半價。星期一至四原價$268，半價 $134、星期五至日原價 $298，半價$149， 加一就以正價計算。想平食燒肉，記得要早一日訂枱！
【相關報導】
記者星期五晚約 9:45pm 到達放題店，店員提早安排入座， 唔使呆等。放題店以卡座位為主， 唔使同隔離枱手臂貼手臂咁坐。
埋位食燒肉！放題店以平板電腦落柯打，揀完直接落單， 唔使搵店員幫手，好方便。放題食物有 8 類， 包括近 60 款特選燒肉及燒烤、18 款刺身、壽司、7 款卷物、9 款小食、17 款炸物及 8 款冷盤熟食，都算多喎！
自助區仲有甜品，都係啲
芝士蛋糕、
朱古力蛋糕及
糯米滋，係任食㗎！
食燒肉特別想飲汽水，飲品要自取，有
可樂、
芬達、
忌廉；唔想飲咁甜， 又有
烏龍茶、
綠茶、
蘋果紅茶及
乳酸飲品等。加 $50 可以任飲
Kirin 麒麟一番榨啤酒。
每枱都放有七味粉、海鹽及黑椒畀你為肉類調味，想食得惹味啲， 有豉油及燒烤汁畀你蘸肉食。
【相關報導】
記者第一 round 於 9:53pm 落單，5 分鐘內即有食物上枱， 好快！落柯打寫嘅數量等於肉嘅數量，牛肉粒寫「1」， 即是一粒牛肉粒，而唔係一碟。牛肉睇落好新鮮， 唔會放到出晒血水或變瘀血色，亦無雪到結晒冰。 呢 round 點咗
厚切牛舌、
韓式肩胛梅花、
一口牛、
韓式原條腩條、
牛仔骨、
西班牙五層肉等。
仲有
雞翼、
一口甜薯、
麻辣板翼。
五花腩、
黑椒牛柳、
冬蔭功雞柳，全部落完柯打後 5 分鐘送到， 擺到成枱都係肉！
厚切牛舌真係幾厚身，不過牛舌好硬好難咬得開！味道也不突出。
一口牛肉粒好大粒呀！厚肉嘅牛肉粒唔好放於爐中間燒，好易燒到外面燶晒、入面未熟！牛肉粒無特別調味，但肉汁豐富、牛味突出。
韓式原條腩條受熱後縮水，但腩肉夠厚切、脂肪充足，肉腍惹味。但薄切嘅西班牙五層肉，燒起嚟好快乾，加上無醃味又無肉味，唔建議大手入貨！
【相關報導】
牛仔骨是另一值得追加嘅肉類！細細嚿，好快直燒好有得食。肉味比 較重，牛肉夾雜了脂肪，增添油香又腍。
呢度仲有海鮮任食，必食燒蠔！每隻
蠔好似掌心咁大，蠔肉脹身，食落有蠔味又唔腥，重點是唔使加錢都食到，重點掃！
虎蝦都是任食的！唔算超巨型，但蝦肉尚算爽彈。
安格斯三頭肌，肉質結實，可惜無乜牛味。
雞翼有咖喱、BBQ、辛味及南乳味，全部都製成單骨，方便燒。重口味者必食南乳味，雞翼醃得好入味！辛味都唔錯，辣得好過癮。
泰式口味令人期待；呢個冬蔭功雞柳大大嚿，雞肉頗嫩滑，只是講好的冬蔭功味不見了！失望 ing……
清酒煮帆立貝一盤有 6 隻，帆立貝係細碼，約 5 毫子咁大咋！酒味唔明顯，味道好鹹，帆立貝好韌，伏。
秘製魷魚鬚好味！魷魚鬚唔會好似魷魚絲咁硬到咬甩牙，醃味又夠惹味 。
奇味豬扒係咩味？真係食唔出。但至少無鬆肉粉味，肉厚但好腍。食時蘸啲燒汁啱啱好！
【相關報導】
食得太多熱氣燒肉，食返啲刺身啦！刺身有
三文魚、
劍魚腩、
北寄貝 、
松葉蟹棒、
帶子、
鮑片等，選擇不少啦。刺身算幾厚身，但刺身鮮味唔突出，最弊係中間仲有啲雪，味道一般。
每人仲有一杯
MOVENPICK 雪糕，有呍呢嗱、朱古力及士多啤梨味選擇。如果係任食就好了。
食後感：
等我計計數先！以星期一至四嚟計，放題原價 $268，半價 $134，計埋正價加一， 每人約 $228；星期五至日每位約 $253。以銅鑼灣鬧市嚟講，任食任飲兩個鐘都算抵。燒肉款式多，上菜速度快又無漏單，比好多放題店都做得好。只是肉類嘅肉味鮮味唔太夠，質素一般，大多數都要加鹽、黑椒或蘸燒汁先夠味；勝在花款夠多， 自問係食肉獸或無底洞嚟到一定回本！午市放題都抵食，$ 128 食一個鐘，喺附近返工嘅你你你可以食個豐富啲嘅 lunch！
尚鮮日式燒肉魚市場
地址：銅鑼灣謝斐道 496 號金利文廣場 3 樓
電話：2117 4267 / 2117 4268
營業時間：11:30am-12mn
文、攝：Jessie
【相關報導】
歡迎你 like 我哋 U Food Facebook Page / U Food Instagram ，取得我哋更新更快嘅資訊！
