中環碼頭嘅雪糕店 Igloo Dessert Bar，店主 Larvina 最鍾意整啲非一般口味嘅 gelato。店中有最基本的
蘋果批、朱古力、開心果、呍呢嗱及香蕉 + Nutella，約 12 款口味做主打；每星期仲會推出限定口味，好似
港式奶茶、好立克＋麥提莎、士多啤梨芝士餅等，呢啲口味最過癮。
Gelato 每日於店內少量製作，唔會放超過 3 日，保證新鮮。
大白兔牛奶糖 Gelato $32/ 球、$44/2 球
店主仲好鍾意用雪糕喚醒童年味道。如果你問小記童年最深刻嘅係咩味，點少得大白兔糖呢？大白兔糖 gelato 以日本 3.7 牛奶做 base，由於白兔糖本身比較甜，所以 Larvina 刻意減輕牛奶嘅甜度。
【特式小食】
Oreo + 阿華田 + 麻糬 $10 爆餡車輪餅
【甜品放送】
好多圓！「芋」字頭甜品
Gelato 更混入半融嘅白兔糖，令雪糕更有口感之餘，食落好似鳥結糖咁，煙煙韌韌，亦提升白兔糖嘅味道。加埋切成細粒嘅白兔糖，童年回憶返晒嚟！
Mochi Snowball（好立克 + 麥提莎） $38
冬天唔想淨食雪糕打晒冷震，試吓呢個推出只有兩個星期、即叫即包嘅雪糕雪米糍！大家可以揀心水口味雪糕做雪米糍，講 local，好立克同麥提莎一定走唔甩！
客人先揀一種心水口味，再由店員即席用糯米皮包好，每個雪糕雪米糍都放一片Oreo，好立克 gelato 有陣陣麥芽香。
糯米糍外皮又薄又煙韌，不過記得要快快食，gelato 融咗令外皮又濕又腍，影響口感！
Mochi Snowball（呍呢嗱）$38
呢個搶眼藍色 snowball，俘虜萬千少女心！Gelato 係呍呢嗱味，用嘅係天然色素。加埋綠色嘅開心果碎，好似個 mini 版地球！
【甜品精選】
飲得食得小甜品 椰汁 + 椰肉 + 布甸
【韓風襲港】
韓國天藍小屋來港！20cm 滿到瀉水果冰沙
忌廉鮮奶軟雪糕 $32
店內唔止 Gelato，仲有軟雪糕賣，口味一樣係咁濃本土味！忌廉鮮奶軟雪糕以澳洲牛奶做 base，再加 Cream soda 製作。味道同真嘅忌廉溝鮮奶一樣，奶味唔會蓋過 Cream soda 嘅味道，雪糕又唔甜，正！
士多啤梨芝士蛋糕 gelato $32/ 球（曲奇杯另加 $12）
新出嘅甜品又點止 gelato 咁少？仲有雪糕曲奇杯！自家製作嘅曲奇杯加入了朱古力粒，味道幾乎跟所有味道嘅 grlato 都咁夾！好似士多啤梨芝士蛋糕味，酸酸甜甜，襯曲奇杯，牛油香突出，就好似芝士蛋糕撻底咁。
曲奇杯口感脆脆，唔係美式軟曲奇，配軟綿煙韌嘅 gelato 最夾。遲啲仲可能推出加入果仁嘅曲奇杯！
士多啤梨芝士蛋糕味 gelato，再加上用新鮮士多啤梨煮成嘅果醬，更添酸甜滋味。
Igloo Dessert Bar
地址：中環天星碼頭（7 號碼頭）地下 C 舖
電話：2656 3318
營業時間：10:30am-10:30pm
文、攝：Jessie
【今期必買】
星戰迷必食！激光劍切 Star Wars 蛋糕
【本周掃區】
跟住星星掃街！深水埗 3 大最正小食
【粉絲專區】
熊本祭開催 部長變身火鍋店長！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
