今個秋冬，去「魚米家」唔使獨沽一味食魚湯米綫！米綫店賣火鍋，魚米家唔係第一間，但估唔到佢有原隻鮑魚一人鍋！呢個原隻鮑魚火鍋系列有兩款選擇，$68 有
原隻鮑魚、招牌魚腐、蝦球、蔬菜拼盤等 10 款配料，貴 $30 就有多 5 片肥牛。另外仲可以追加
肥牛、魚蛋、魚皮餃、餃子、響鈴等 21 款火鍋配料，最平$9、最貴嘅鮑魚和肥牛等則是 $25，選擇唔少得過 火鍋店㗎。
原隻鮑魚肥牛一人火鍋 （Y4）$82
火鍋配料有原隻鮑魚、招牌魚腐、蝦球、象拔蚌片肥牛 5 片、吞拿魚包心丸、雪場蟹柳、菜肉餃、豆腐、米綫及蔬菜拼盤。
湯底可選
魚湯、麻辣魚湯及番茄湯底，餐廳以魚湯米綫起家，梗係試原味魚湯。湯底色澤呈奶白色，有魚味但味道偏鹹。
魚腐軟滑無骨，蟹柳、包心丸、餃子等，不過不失。跟餐還有少量米綫，吸晒打完邊爐嘅魚湯精華！
【任食推介】
放縱食！4.5小時任食牛扒+火鍋
海鮮拼盤！有重頭戲原隻鮑魚、蝦球及象拔蚌片，雖然賣相一般，但全部都係高級海鮮。
原隻鮑魚 size 比較迷你，匙羹都大隻過佢！唔建議大家將鮑魚灼太耐，否則愈縮愈細粒！味道欠奉淡淡的，就連平時假鮑片嘅味精味都無，唯有點啲豉油或沙嗲醬食啦！如果想追加鮑魚，$25 有一隻。
蝦球尚算大隻，而且肉質爽彈。想 encore？$14 有 2 隻，食得過。
跟餐
肥牛有 5 片，睇落肥牛血紅色，無擺到變瘀紅色，算係新鮮。肥牛脂肪多咗啲，但食落腍滑有肉味，無渣。
蔬果拼盤分量同款式都比較多，生菜脆綠，還有金菇、白蘿蔔、冬菇、粟米和秋葵，種類多元化。
小評：魚湯米綫店的魚湯底果然耍家，湯色奶白有魚味，無論用來灼湯料抑或淥米綫都好吃；不過火鍋主角鮑魚就令人有點失望。相對其他快餐店火鍋，$82 一位不算特平，勝在套餐內有較貴價的海鮮如大蝦和象拔蚌，抵番啦！整體水準不過不失，喜歡魚湯朋友值得試。
【雞煲特選】
顏值最高！好抵任食雞煲火鍋
香辣雞煲（半隻） $92
鮑魚火鍋之外，舖頭仲推出咖喱及香辣雞煲，每款雞煲都有半隻雞分量。香辣雞煲送唐生菜一碟，想食飯需另加 $5。香辣雞煲可選大、中、小辣，試食過中辣，雖然見有唔料少辣油浸住雞，但其實辣度一般，嗜辣嘅一定要揀大辣呀！
雞件數目唔少，而且預先爆炒過，煎過嘅雞皮滲出雞油，令雞件更甘香惹味，不過加埋煲底嘅辣酒，有點油膩。
雞件以外，亦有少量
年糕片。韌嘅年糕片吸晒雞煲嘅香辣味，係好肥膩，但好好食！
小評：相對魚湯米綫，香辣雞煲無論賣相和味道都比原隻鮑魚火鍋出色。雞煲一邊㷫住，一邊傳出香味，味道亦夠濃惹，如果再辣啲，或油份無咁多，等我可再食多幾件年糕，就 perfect 喇！
魚米家魚湯米線大王
地址：中環威靈頓街 98-102 號翡翠中心 2 樓
電話：2524 3661
營業時間：8am-11pm
備註：火鍋於 5pm 供應，另紅磡、將軍澳、大角咀、荃灣及大圍分店均有供應。
將軍澳分店：
地址：將軍澳貿業路8號新都城中心二期 1 樓 1015 舖
電話：2868 0061
荃灣分店：
地址：荃灣楊屋道 1 號荃新天地一期 UG 樓 28 及 30 號舖
電話：2829 1168
紅磡分店：
地址：紅磡必嘉街 92 號紅磡灣中心地下 9C 號舖
電話：2303 0988
大角咀分店：
地址：大角咀櫻桃街 38 號西九匯 2 樓 205 號
電話：2473 1166
大圍分店
地址：大圍車公廟路 8 號溱岸 8 號地下
電話：從缺
文、攝：Jessie
【本周必睇】
韓國同步！靚靚 Starbucks 聖誕杯登場
【相關連結】
好凍呀！食編心水 3 大炭爐邊爐
【暖身之選】
轉涼準備！必食 4 大煲仔飯
歡迎你 like 我哋 U Food Facebook Page / U Food Instagram ，取得我哋更新更快嘅資訊！
