邪惡核心 4 重芝士火鍋 Dip 豬仔骨最正

在韓國有 70 多間分店的炸雞連鎖店 Sodam Chicken，炸雞香脆多汁，我食過翻尋味！不過今次我推介嘅主角唔係炸雞，而係究極邪惡的「特級芝士火鍋」。

 

特級芝士火鍋 $268

將 藍紋、金畢文、巴馬臣及 韓國水牛芝士混為一鍋，味道比一般只有一兩款芝士的芝士火鍋有層次感，鹹鹹哋加微微辛辣，芝士味極濃。將美國豬仔骨、炸薯條、腸仔、農夫包粒、車厘茄、流心芝士及紫薯年糕等配料，dip 芝士食，味道即時 level-up。份量足夠 3 至 4人食，可以同 frd 子開心 share。

 

【韓風吹襲】 泡吧！泡吧！韓風炒飯 + 三文治 + 咖啡

 

其實每年踏入秋冬 Sodam 都會推出芝士火鍋，但呢款集藍紋、金畢文、巴馬臣及韓國水牛芝士 4 種芝士於一身的版本，就是最新出品。負責人林小姐話：「之前推出的芝士火鍋，最多只有兩款芝士，今次四合一，味道層次豐富好多。」齋食一口，既有藍紋的辛香，又有巴馬臣芝士的濃鹹；配上 美國豬仔骨、炸薯條、腸仔、農夫包粒、車厘茄、流心芝士及 紫薯年糕，dip 暖笠笠芝士吃，邪惡，但窩心，增磅都抵。

 

不能錯過的是即叫即炸 流心芝士，內藏水牛芝士，一咬芝士湧出來，極度邪惡。紫薯年糕，香甜煙韌，食唔停口。

 

經典芝士火鍋 ＄128

如果覺得「特級芝士火鍋」太heavy，食唔哂，可以試試經典芝士火鍋，只有農夫包粒及芝士鍋，包粒烤焗鬆脆，完全索哂芝士汁。

 

【今期掃場】 葵廣情報 update！5 大必去新登場食店

 

太陽芝士炸雞

想食炸雞又想有食芝士火鍋？可以試「太陽芝士炸雞」！將整個農夫麵包中間挖空，注入 Mozzarella 芝士、Cream cheese 及秘製芝士醬，將炸雞浸落芝士醬中，即有拉絲效果，食落外層芝味濃郁，然後是雞肉，外面脆內裏 juicy。

 

凡於星期一至五，中午十二點至下午五點期間，惠顧特級芝士火鍋，可獲贈 2 杯 $38 以下非酒精類飲品，推廣期至 12 月初。

 

Sodam Chicken

地址：銅鑼灣耀華街 3 號百樂中心 7 樓

電話：2728 0200

營業時間： 星期日至四 12nn-23:30pm，星期五及六 12nn-12mn

 

文：Theo　攝：Brian

 

【火鍋精選】 連鎖粥店火鍋 靚粥 + 海鮮 + 油炸鬼

【今期必食】 心也融化了！Baby Blue Mochi 雪球