近日係搵食谷見到大埔友些牙「栗子雪糕」，以為係「來路」嘢，點知好 local，原來係富善街街市一間好有名嘅涼果店「皇甘栗鮮炒乾果專門店」自家製！估佢唔到！搶手程度爆燈，老闆何浩然指今個月初起逢周末開賣，雪櫃內放 200 杯，一日內賣晒；隔週翻貨 500 杯，星期六、日就全數貨已清，引起瘋搶！
涼果店主打炒栗子，老闆到河北搜尋最靚板栗，比坊間油栗更粉嫩甘甜，用來製雪糕一流。
雪糕包裝設計用 cute 版栗子，萌萌的。
用來製雪糕的栗子用人手剝穀，所以製作需時，限量供應。甘甜栗子肉混合北海道 3.6 牛乳雪糕，奶味香濃，揭開見到好多栗子肉，栗子萬歲！
大埔掃食：樹記出雪糕 啖啖食到腐竹味！
除咗主打栗子雪糕，仲有紫薯及石榴味牛奶雪糕，分別用真紫薯肉及鮮石榴製作，買開栗子味，不坊試埋其餘兩種味。
紫薯雪糕顏色好靚呀！
「皇甘栗」賣涼果、栗子為主，最近在店旁仲擴充多一間新舖，新引入花茶、栗子醬、北海道即磨糙米等等，好多新嘢賣。
皇甘栗鮮炒乾果專門店
地址：大埔富善街 41 號 B 地下
電話：2638 2788
營業時間：9am-6pm
註：栗子雪糕供應時間為逢星期六和日，每次供應量不同，售完即止。栗子、紫薯、石榴一律試食價 $25（原價：$28）
文、攝：Celia
落區掃食：大埔延伸掃 太和 5 大心水食點
環保潮流：撑環保！有 Jetso！全港「走杯」地圖
今期注目：熊式聖誕 同 Kumamon 影餐飽
歡迎你 like 我哋 U Food Facebook Page / U Food Instagram ，取得我哋更新更快嘅資訊！
