呢間火鍋店在美國洛杉磯起家，專做一人前小火鍋，在 Monterey Park 及 Rowland Height 2 店開業 2 年，均被美國權威食評網 Yelp 評為 4 星級食店。
全丸滿座鍋×番茄湯 $88
香港店限定，與大埔丸類名店振興合作推出，一鍋有 16 粒丸，包括黃金枝豆丸、魚蛋小籠包、泡菜魚丸、金瓜炸彈、黃金龍蝦丸及薑汁皮蛋貢丸等。配鮮番茄、洋葱西芹烹調的番茄湯。
【放題精選】
雞翼控揮手區！1.5 小時任食 12 款雞翼
「我哋嘅一人鍋賣點係以大眾化價錢歎到酒店級數食物，我哋會選用美國檢定的安格斯牛肉（Certified Angus Beef）Prime 級；100% 純種 Berkshire 豬的美國 Snake River Farms 極黑豚；另有新西蘭天然草飼羊、日本廣島蠔、美國帶子、越南虎蝦及新西蘭有機青口等。」創辦人賴明輝說。
星級精選鍋×南瓜湯 $98
初來幫襯必食，雙眼只看到牛三角肩肉，選靚料 USDA rime 級安格斯牛肉，輕輕灼湯吃，油花細緻，肉嫩味甜。不嗜牛的，可改選豬肩肉或羊肩肉。記者配了個南瓜湯底，混合日本及中國南瓜，取香、甜味，還有椰漿、洋葱等，上枱前更會撒點鹹蛋黃碎提味。
煮道環球海鮮鍋×沙嗲湯 $118 小、$168 大
海鮮款式多，
虎蝦、帶子、青口及蠔，揀濃稠沙爹湯，內裏混合麻辣醬，惹味又刺激。
【下午閒情】
有鹹有甜！得意閃電泡芙下午茶
全日供應的餐牌約有 7 成跟美國店相同，一人前小火鍋有 6 款，每鍋會配白飯或紅薯粉，價錢 $78 起，食到飽飽都唔肉赤。同港式一人鍋不同，鍋鍋大大份，配料滿滿。記者首推配安格斯牛肉的星級精選鍋，牛肉足足有 110g，同全港一人鍋相比，此牛一定更靚。最過癮係全丸滿座，名字得意又大堆頭，原來它是跟大埔名牌振興肉丸合作推出的，香港獨家，鍋裏的芥末魚丸、魚蛋小籠包、薑汁皮蛋貢丸及海膽丸等 10 多種丸都是振興出品，出名鍾意食丸嘅港人實 like。
（左）越南生猛大虎蝦 $78 份
Size 大，肉質爽彈，帶鮮味。
（右）美國圓潤肉厚帶子 $78 份
帶子夠大粒、厚肉，近乎頂級質素。
火鍋湯底自家熬製，共有 11 款，最受歡迎有麻辣湯、番茄湯及南瓜湯。唔夠喉可以再加錢再柯打肉類、海鮮及丸類等，也有牛肋鍋、麻辣雞煲及香港店才有的飯餐及特調飲品，加埋新潮裝修，呢股美國勢力好值得注意。
（左）青檸梳打 $22
酸度勁，邊吃火鍋邊飲，有助清清味蕾。
（右）煮道洛神花茶 $22
用洛神花沖泡，酸酸甜甜，可解膩。
紅磚牆、鎢絲燈加霓虹招牌，一室工業風，除一般餐桌，亦有 common table，一個人開餐也自在。
Uniboil 煮道
地址：上環皇后大道西 2-12 號百匯電腦城 1 樓 A 區
電話：2628 3552
營業時間：11am - 10pm
文：PAM 攝：Jay
（原文摘自 U Magazine ISSUE 575）
【得意主題】
聖誕食！Kawaii 小紅帽甜品
【聖誕去邊】
聽、睇、聞！聖誕 Feel 微型裝置
【紫薯狂熱】
100% Match！紫薯糊 x 豆花
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
