原祖燒牛肉飯 $45
用上自家調的燒汁，加了水果提鮮，甜中提香；肥牛燒過後香口肥美，油香滿嘴，還附上蛋絲和菜，甚豐富。
主打的丼飯包括 3 款牛肉飯，分別用上美國或澳洲肥牛，以豉油和水果等作調味，再於落單後即叫即燒。小店的其中一個合伙人為日本人，主力做燒烤菜式，也因利乘便，引入日本燒烤爐；烤爐可高速提溫至 350 度，快速令牛肉燒熟且鎖緊肉汁。牛肉丼分原味、芝士或蒜蓉辣椒味，其中芝士味加上 mozzarella 和車打芝士鋪在牛肉面燒，再加上芝士粉，香口惹味。
海鮮丼推介鰻魚飯，大條肉厚，全是自家以炭燒汁醃再燒。日式咖喱飯也做得香惹，以大小茴香、八角等超過 20 種香料煮成濃郁有辛香的黑咖喱，還特意把甘筍和薯仔炸過，不會煮到爛蓉蓉，配漢堡扒或吉列豬扒份外滿足。店內也有不少日式小吃可追加，價錢 $8 起，經濟實惠。
蒲燒鰻魚飯 $78
自家調味醃的鰻魚不會如超市貨死鹹，每片都夠厚身，咬下帶煙韌而不會太軟爛。
番茄海鮮芝士泡飯 $58
湯底根本是精華所在，有蝦、蜆肉、三文魚、豬骨和番茄同煲，茄香和海鮮味甜，面頭加另加海鮮。
大丼家燒烤牛丼專門店
地址︰荃灣眾安街 68 號荃灣千色匯 II 期地下 G1-2 號舖
電話︰2616 9611
營業時間︰11am-10pm
(原文摘自 U Magazine ISSUE 576)
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
