首先要讚餐廳設計好有心思，先有門口大鐵閘，樓梯兩旁掛上美國舊式板畫、海報，大大個鐵鏽色招牌，未入餐廳就已經好引人入勝! 餐廳室內就走國Basement feel，大木臺、大鐘、吊燈，地方都算幾大,而且環境都幾有氣氛，難怪引來雜誌社在這裡影潮流時裝相！
再睇餐牌,見佢跟餐同單叫價錢都差不多，就叫了兩個晚餐，先上一大個香草餐包，餐包熱辣辣而且香草味好香，加埋牛油無唔得彈! 再上南瓜忌廉湯，不算特別好但已比平時紅白湯有誠意。頭盤煙鴨胸沙律，沙律汁酸酸地幾醒胃都不錯!
主菜叫了一個肉眼扒同海鮮意大利飯，肉眼扒要七成熟，塊扒厚度適中，肉質亦幾靚，加上熟度時間亦掌握得唔錯，算係幾有水準。而意大利飯 (在香港好難吃到好吃的)，難得呢度無令我失望，意大利飯吸晒o的汁之後濕度適中，雖叫海鮮飯但其實只有三粒帶子,不過帶子好大粒啖啖肉好好味,算佢啦！ 甜品就係一杯芒果布丁，唔算特別，ok啦 (其實如果係一小磚外凍內熱o既心太軟就完美喇) :)
話說其實有朋友在這裡食下午茶，但就劣評不已，睇過佢的相都覺佢下午茶水準確係好低，懷疑應該是兩個廚師又或者見橫掂開了舖不如做埋tea time ，所以大家想試都係食dinner穩陣仔!
梁進評分：
味道****
服務****
環境****
價錢****
Factory 99
地址：觀塘巧明街99號巧明工廠大廈1樓A室
電話：2345 8333
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
