美食博覽2013掃平貨！

$1 美食再來

今年美食博覽繼續加推$1美食，除了限量發售的 $1 罐頭鮑魚、紅酒、月餅……但論噱頭，就要數安記海味(攤位:1B-C18)，出動到大鐵鏟，俾 你以 $1鏟走每斤 $800 花膠筒，只限首日頭 10 名顧客！

嫌 $1 仲唔夠平，醉榴香(攤位:1B-C02) 極級 D24 馬拉榴槤水晶軍艦，竟然每件賣 $0.8，只限每日頭 28 名顧客！

尊貴美食

超過 70 個參展商分成「歐美．戀饌」、「亞洲．料理」、「摩登．煮意」及「甜藝．閒情」4 大主題，野生魚 子醬橄欖油和牛海鮮海味美酒等，就連大熱的天然酵母歐陸麵包都有，精品美食晒冷。 不少攤位更設即食美饌，像以萬能調味料鹽麴炮製的和風料理、鮑魚手造意大利麵、風乾火腿，飲埋燒酌雞尾酒 、「雪糕」泡泡啤酒等，另亦有不少新登場的品牌美食發售。

先試為快

每年美食博覽，最多新產品登場，來自台灣的程班長牛肉麵首次擺檔，大賣盒裝麵，仲有專人駐場煮麵，即場歎 亦得。其他品牌像出前一丁(攤位:1E-B02)、醉榴香及 J's Garden 等亦有新品推折扣優惠，率先入貨，先食為快。

首推晚市

美食博覽今年首次推晚市門票，方便大家收工後 入場掃平貨。想平到底，就可逛埋晚市著數特區，不同 Counter 都有優惠。

先攻優惠劵

貿發局美食博覽網頁更有各項優惠劵下載，由飲品食品到廚具也包括在內。大家除可先計劃好「搵食」路線，更可先列印定優惠劵，完全攻陷今年美食博覽！

即場優惠︰ http://info.hktdc.com/exhibition/foodexpocoupon/index.asp?LangID=2