店主更請來一位既做過廣東菜又做過麵店的師傅掌勺，他將私伙的陳滷水加到湯中，煲起來的牛骨湯有牛骨的甘甜，更帶少許草藥香，湯煲好後又會隔去大部分油份，飲落清清哋、不算重口味，口味有點像輕怡版的牛雜湯。牛骨湯連埋牛腩牛筋一齊炆，唔硬唔嚡也入味，水準不錯。唔食牛的，還有自家剷製的麻辣湯及清湯選擇。
配料也做得有誠意，鎮店招牌是蝦丸和墨丸 2 款手打丸，前者是師傅以冰鮮的緬甸蝦加上新鮮海蝦打成，墨丸也是用新鮮的墨魚手打，100% 是蝦肉墨魚肉，不滲粉，而且每日打製，食落頗爽口也有鮮味，唔會放隔夜令丸身變霉變腍。豬紅也誠意推介，店主挑來靚貨，以豬血製，腍滑無渣不是坊間的那些如吃啫喱糖的貨色可比；連小食也做得比一般車仔麵有心，鬼馬油炸鬼、瑞士雞翼尖跟麻辣肚絲雞腎都是自製的，怕污糟的車仔麵 fans 都可來試。
友麵館
地址：灣仔軒尼詩道 157 號地下
電話：3483 7276
(原文摘自《U Magazine》文：sieg、圖：May)
