咩叫「有錢佬」晚餐？要先講段古。
小店其實是筲箕灣的老牌冰室，1961 年開業，結業年多後剛剛重開。鎮店之寶當中有款叫「海陸空」鐵板餐，用高貴嘅乳鴿、龍脷魚柳及豬扒組成，乳鴿同龍脷當年都是高檔貨色，屬老土貴氣，所以五六十年代只有身光頸靚的有錢佬才會柯打的，就是「有錢佬」餐，這店重開，特別保留了這個懷舊晚餐，乳鴿自家滷，加上棄用一陣雪味的麵包糠魚柳，改用高質素的龍脷柳煎香，淋上黑椒汁，香味震懾全店。
焗飯也是舊南龍的晚市招牌，新店加了新點子，將傳統的焗飯鐵兜換成約 6 吋高的方包做「金磚焗飯」，配番茄豬扒、咖喱牛腩或白汁火腿雞絲等配料，很重量級，二人晚上撑枱腳開餐就啱啱好。
金磚焗咖喱牛腩飯 $79 (11am - 11pm 供應，連飲品)
金磚焗飯中以牛腩水準最高，牛腩煮得夠腍滑，而且咖喱有香辣灼熱的口感，焗過後牛腩咖喱更有香辣感，拌勻炒底吃，會愈吃愈想吃。
菠蘿油 $7（全日供應）
當年南龍冰室的招牌，用回當年的配方製，麵粉發酵的時間比現今的縮短了，令菠蘿包口感不會鬆泡泡，實淨有口感。
雞批 $9（全日供應）
雞批是每天早上在店裏焗製的，烤好後帶甜味有牛油香，餡料的白汁夠味。
黑椒牛柳煙鴨胸鐵板餐 $88
（7pm - 11pm 供應，配餐湯、咖啡或茶）
牛柳唔嚡，鴨胸腍滑帶煙燻香，最正是放在鐵板上烤，面層略焦，更惹味香口。
海陸空鐵板餐 $108
(7pm - 11pm 供應，配餐湯、咖渄或茶)
魚柳厚肉滑溜，乳鴿自家以滷水浸過再淋滾油，外皮脆口鴿肉入味。
瑞士汁炒牛河 $44
(11am - 7pm供應，6pm後不包飲品)
當年在筲箕灣做到街知巷聞，最特別是瑞士汁除了以生抽、老抽、片糖煮外，還加了檸檬頭煲，令瑞士汁不會甜過櫳，河粉炒得爽身，顏色均勻。
金磚焗鮮茄豬扒飯 $79
(11am - 11pm 供應，連飲品)
方包裏面放的是預先以雞蛋炒香的飯底，再放入番茄角及以番茄豬扒焗香，飯量與豬扒甚多。
南龍冰室
地址：銅鑼灣敬誠街 1-3 號地舖及 1 樓
電話：3106 0820
(原文摘自《U Magazine》文：sieg、圖：Kee、Ki、Lamlam、Sky、Ken)
