深宵在旺角，想遠離嘈吵劈場，和好友飲靚啤靜靜談心，其實未必要過海。在旺中帶靜的染布房街盡頭，便有一間低調型格精釀啤酒吧 WOFT，還有不少意想不到的自創中西 fusion 食物。晚餐飲酒一站直落，後生仔保證盡興而歸！
未進小店，離遠見到一個精釀啤酒酒櫃，足以叫各位酒迷心花怒放，可知旺角賣精釀啤酒的地方，真是可遇不可求！六十多款精釀啤酒，除了本地薑如門神、獅子山啤外，還搜羅了日本、台灣、澳洲和美國的出品，由清怡的 White Ale，到重口味的Imperial Stout 都有，選擇五花八門。最令人驚喜的，必定是數星期前才首次現身Beertopia 的美國 Against The Grain Brewery，其趣怪出位的罐身，當時已引起不少人注意，想不到小店已火速跟 Bottle Shop 取貨，觸角果然敏銳。
食物也是驚喜連連，「精釀啤酒世界有無限創意和可能，配襯的食物都應該係咁樣！」年輕大廚阿雄說。他滿腦子想法，喜歡東撞西，擁有澳門葡京酒店米芝蓮一星餐廳工作的紮實背景，更助他創作更得心應手。為了保持年輕客人的新鮮感，他最近便新推一系列 fusion 菜式，頗有驚喜，例如與啤酒門當戶對的漢堡，他換成港式菠蘿包，又將肉扒換成廣島蠔仔餅。閉上眼咬一大口，軟嫩蠔肉立刻爆破，加上秘製的甜酸蛋黃醬，吃來一時像廣島燒，一時像潮州蠔餅，非常有趣！猜不到連大閘蟹都有售，他把原隻蟹公拆膏，與意大利 Risotto 混合焗香，再釀回蟹殼上，賣相與中式酒樓的芝士焗釀蟹蓋如出一轍，吃來膏香濃郁得多。
不過，他最自信的，始終是腐乳芝士火鍋。他試過城中不少芝士火鍋︰「一係唔掛汁，一係就加生粉埋芡，一吃便知！」他自豪地說。為甚麼用腐乳？「我鍾意中西合璧，腐乳咪係中式芝士囉！」只見他依次加入鮮忌廉、白酒、車打芝士、腐乳等煮起，期間不慍不火地攪拌，以溫度和耐性煮至光滑濃稠。拮住麵包沾來吃，微暖中滲透幽幽鹹香。小小一鍋，作為消夜，分量剛好。
WOFT 腐乳芝士火鍋 $178
開店以來的招牌菜式，即叫即煮，以八珍腐乳、黃車打芝士、Gruyure 及 Emmental三款芝士煮成，濃稠適中夠滑溜，香濃不過鹹。
法式龍蝦湯燜香菇枝竹羊腩煲 $138
山東黑草羊腩汆水後燒香皮，用八角、草果、肉桂、南乳等燜至八成熟，然後用波士頓龍蝦湯煮至全熟。羊腩吃來軟腍不羶，有龍蝦湯配襯更顯鮮味。腐竹最後加，比想像中爽嫩。
廣島蠔餅菠蘿包 $78
特選飽滿、蠔味濃郁的廣島蠔仔，每份約有 15 隻廣島蠔，加入事先拌好的鴨蛋番薯粉漿煎熟，淋上秘製中式甜酸汁。菠蘿包香軟，與蠔仔的多汁頗匹配。
蟹黃意大利飯焗釀原隻大閘蟹 $88
只用太湖蟹公。先拆蟹膏，與意大利 Risotto 混合焗香，再把飯釀回蟹身，不配鎮江蟹醋，倒以意大利黑醋代替，配搭的薑茶也創新，加入玫瑰花乾，喝起來更高級。
精釀啤酒 $78/ 罐
最近與中環 Bottle Shop 合作，引入剛在 Beertopia 現身的人氣美國罐裝精釀啤酒Against The Grain Brewery。罐身造型抵死趣怪。中間的 Extra American Pale Ale 竟然絲毫不嗆，啤酒花香細膩。
五重天焗黃金飯 $138
中式黃金炒飯上有一層厚厚的焗芝士汁，然後鋪上煎匈牙利鵝肝、意大利黑松露醬、加拿大海膽和中式鮑汁，撈勻食又鹹又香，超足料。
精釀啤酒也是小店主打，酒櫃有六十多款中外精釀啤酒，當然少不了本地薑，如門神、獅子山啤、九龍灣啤酒、麥子等。
WOFT
地址：旺角染布房街 7-8D 地下
電話：2116 1786
營業時間：5pm-3am
收費︰現金及信用卡，設加一
交通︰港鐵旺角站E2出口
泊車︰金雞廣場 $30/hr
平均消費：$250
原文摘自 U Magazine
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
