冬天梗係想食啲暖笠笠既食物落肚啦！12 月登陸香港的「世界第2好味雪糕蜜瓜麵包」，都趁天氣轉凍推出兩款好warm既鹹味麵包。呢兩款新出的鹹味蜜瓜包，是根據日本的配方製作。餡料多到漏出來的「芝士火腿沙律蜜瓜麵包」，夾有爽甜生菜，配以沙律醬及芝麻醬，再加埋瞬用火槍輕炙兩面的火腿片，豐富到當lunch食都得！
另有「雙芝士蜜瓜麵包」，於新鮮出爐的蜜瓜包表面唧上沙律醬、黑椒碎後加兩片日本明治芝士，再用火槍將芝士燒至微微融化，既有芝士鹹香又有沙律醬的酸咪甜味，就算係兩片芝士放面都唔覺得好飽滯。
芝士火腿沙律蜜瓜麵包 $48
此為日本店人氣款式，外脆內軟的蜜瓜包，夾住生菜及經火炙的火腿，配以沙律醬、芝麻醬及黑椒碎，芝士食落帶焦香，好惹味。
雙芝士蜜瓜麵包 $38
於蜜瓜包唧少許沙律醬、放兩片日本芝士，再用火槍燒至半融，芝士迷唔好錯過！
世界第 2 好味雪糕蜜瓜麵包香港店
地址：銅鑼灣景隆街 15-27 號地下 1A 舖
電話：從缺
營業時間：11am-10pm
原文摘自 U Magazine
