一向主打抹茶雪糕甜品的Ideas Dessert，最近踩過界推出芋圓系列，荃灣及旺角分店都有供應。
甜品系列一共有7款，芋圓配搭豆腐花、仙草及中式糖水，加上黑珍珠、小丸子、西米等配料，價錢由$26起，每碗足料跟同區甜品店比較算抵食。
芋圓等丸子當中，以地瓜圓的味道較突出，可惜煙韌軟熟程度不太均一，反而甜品中的「配角」更有驚喜！部份款式會頂着一球芋泥蓉（或紫心番薯蓉），口感層次豐富，令甜品生色不少。
甜品店每日開店前都要是蒸熟大量泰國粉芋及紫心番薯，並以人手壓成粒粒，部份會加牛奶打成漿，將兩者拌起來，幼滑中又帶咬口，抵讚！
不吃店內皇牌抹茶甜品，想轉轉口味的話可以一試，精選款式包括：
1. 芋圓芋泥豆腐花 $28
2. 芋圓仙草盛配芋泥/紫番薯泥（熱/凍） $30
3. 芋圓丸子紅豆沙 $26
除了芋圓甜品以外，甜品店的春季限定Menu亦包含台式愛玉系列，小編推介多芒檸檬愛玉凍（$28）。
甜品店先將滑溜溜的愛玉浸入檸檬蜜糖水之中，再加上大量椰果、黑珍珠和芒果粒，味道清爽之餘，感覺也很滋潤呢。
Ideas Dessert 分店地址：
荃灣荃貴街10A號富麗花園商場A座地下13B及15號舖
旺角豉油街126-128號明威閣地下K鋪
文：HK港生活
