九龍灣區內的戲院不少，但配套不平均，所以不少戲迷都集中在德福、淘大、MegaBox的戲院，貪附近多餐廳，EMAX就相對冷清。
戲迷以後有多個選擇啦！九展將於二樓位置開設新「食街」Very Food，陸續開設十多間食肆，集合中、西、日、韓及港式食品，以後睇戲前後都有啖好食。
「食街」佔地2萬呎，以五行為主題，分金、木、水、火、土共5區，預計在年中全面開放。目前首階段有6間食肆開始營業，率先睇睇推介食品：
1. 品味創意台灣料理（2樓13,15號鋪）
皇牌食品包括魯肉飯、紅燒牛肉麵、 酥脆排骨麵等，主食價錢由$48起；老闆為半個台灣人，食品貼近台灣當地的味道。
另有一系列棉花冰和特色飲品，如鮮檸綠茶奶酪（$32）、洛神玫瑰花茶（$35）等。
經典台式食品以外，小編特別推出鹽酥雞泡菜湯飯！超大塊的鹽酥雞扒皮夠薄，上面灑滿微辛的胡椒鹽，味道香口；而泡菜湯中則加入少許芝士，食落不膩但有奶滑口感，怕飯浸得太腍，可逐少將飯糰放進湯中，食完一球到一球。
2. gela etc.（2樓11號鋪）
「食街」內首間雪糕店，老闆曾於意大利學整Gelato，造法正宗，每日新鮮製造。目前每日大概供應8款雪糕，包括西西里開心果、蜜糖、蜜餞栗子等等，細杯單球$32，中杯雙球$46。
小編推介皇牌開心果味，堅果味非常濃郁，混合開心果蓉食得出真材實料。而抹茶雪糕就選用了宇治山政小山園的抹茶粉，茶與奶味之間，前者比例較重，食到尾口腔還有陣陣茶甘。
3. 武士拉麵（2樓28號鋪）
這人氣拉麵店由尖沙咀進駐九龍灣開分店，麵食餐牌基本上不變，皇牌食品繼續要數「德川將軍拉麵（$88）」和「「柚子魚介Wasabu沾麵（$118）」。（追加溏心蛋$10）
拉麵店選用麵質彈牙的直麵，可根據個人喜好選擇軟硬度；湯底則以12斤豬骨熬製多個小時，味濃但不會過份油膩黏口。食拉麵時，可加一點餐廳特製的魚油一同進食，令鰹魚魚介豬骨湯底鮮味加倍。
另外，九龍灣分店亦新增了多款小食，如明太子雞翼、煎餃子、芝士炸蝦丸等，價錢由$22起。
文：HK 港生活
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
