港人愛打邊爐，著重食材用料外，湯底都不容輕視。大埔日式火鍋店—稻八，主打8款火鍋湯底如味噌芝麻豆乳湯、北海道3.7牛骨湯、壽喜燒甜醬油、鰹魚昆布清湯等火鍋放題。最近更新增了原隻龍蝦忌廉湯底，霸氣用1斤重的波士頓龍蝦，只加$88便可食到。
火鍋放題用餐時間為120分鐘，可選$158至$386，5款不同價錢肉類放題，包括自助吧上的所有配料、飲品及雪糕。除8款火鍋湯底，可另加$88轉芝士龍蝦火鍋湯底。
芝士龍蝦火鍋湯底，原隻芝士焗波士頓龍蝦，再配上南瓜忌廉湯，湯底鮮甜濃郁，加上豆腐、蔬菜、金菇等配料，非常豐富。
小編order了$238的安格斯小牛排放題，更可任食10款刺身，包括三文魚、甜蝦、吞拿魚、八爪魚等。
安格斯小牛排放題，可任食美國穀飼牛、羊肉、美國豚肉片及雞肉。另按人頭送上海鮮一碟。
推介美國穀飼牛，薄切柔軟，油脂分佈平均不膩，牛味香不羶，吸了龍蝦湯精華，不需蘸任何醬料也很美味。
自助吧方面，供任食的食品選擇也不少，超過30多款，當中包括丸類和蔬菜。另有咖哩牛肉飯、沙律等。
店內亦設醬料區，供食客自己混醬。
最特別設有日本自助炸物機，提供12款串物如蝦、芝士丸、紫薯及秋葵等。自助形式沾上炸醬及麵包糠，放入炸物機內2分鐘便食得，熱辣香脆。
必食有炸蝦及日本紫薯，炸蝦金黃酥脆；紫薯香甜，軟綿粉糯，入口即融。
稻八 日式火鍋炸物放題
地點:大埔舊墟直街4-20號美新大廈A2鋪
開放時間:星期一至日 5pm-2am
電話:3565-5031
電話:6892-0619
文：HK港生活
