超羣早前推出了伯爵茶系列甜品，頗受歡迎，餅店即將由3月24日起再推另一款茶系列 — 焙茶甜品。
早前推出的伯爵茶系列：
一如以往，全系列共有4款甜品，包括大福、撻、黃金蛋糕和芝士蛋糕，使用日本京都直送的焙茶製作而成，散發住陣陣低調沈實的茶香。立即睇睇各款甜品介紹和售價：
1. 焙茶吉士甘栗大福（$8.5）
大大粒的糯米糍外層，鋪滿日式黃豆粉，裡面則夾有焙茶吉士和原粒甘栗，喜歡食栗子的朋友可以試試！
2. 焙茶牛乳麻糬撻（$9.5）
選用京都焙茶和北海道3.7牛乳焗製而成，內藏煙煙韌韌的麻糬，配搭皇牌鬆化撻底，外脆內軟。
3. 焙茶黃金蛋糕（$25）
黃金蛋糕以鬆軟見稱，蛋香味濃，加入日本焙茶層次更豐富。
4. 焙茶芝士蛋糕（$30）
口感較黃金蛋糕綿密，淡淡的茶香令日式芝士蛋糕口感更輕盈。
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
