好鍾意食丼飯，但來來去去都係拖羅海膽，有啲悶。豊洲水產海鮮丼專門店最近就舉行為期兩個月的熊本祭，熊本限定餐牌內有好多新奇嘢，好似首次輸出海外、超肥美濃香的極品八代鏡蠔，還有熊本縣西南部的島群天草的特產，包括有不同顏色的彩貝、琵琶蝦、飛天黑鮪、鯖魚等，仲有熊本鮮製海苔，用來炮製丼飯、小食、燒物和炸物，新鮮感十足。現凡惠顧熊本祭餐牌中一款丼類食品，更可獲得印花一個，儲滿 5 個可換領 Kumamon 筷子或毛巾，儲滿 10 個可換限量 T-shirt 一件，粉絲咪錯過！
凡於推廣期間惠顧熊本祭餐牌中一款丼類食品，即可獲贈印花一個，儲夠數仲可換領 Kumamon 精品。
熊本天草八代鏡蠔 $48
熊本天草八代鏡蠔為八代市鏡町八代海養殖蠔的品種，首次輸出海外，肉質豐厚肥美，入口 creamy，生吃吃到新鮮海水味，熟食濃香；貝柱位較一般蠔大，好吃。
熊本天草飛天黑鮪大滿貫丼 $298
以熊本天草的飛天黑鮪做主角，丼飯有大拖羅、中拖羅和赤身各 3 片，仲有葱拖羅蓉、飛天黑鮪面頰和魚鮫肉等，完全滿足吞拿迷！
熊本海鮮天婦羅丼 $278
熊本天草產的琵琶蝦和彩貝，顏色好鮮艷！丼飯有炸琵琶蝦、炸貝柱和裙邊，金黃香脆又吃到鮮味；配熊本河內鹽味海苔和醃製海苔，佐飯一流。
豊洲水產海鮮丼專門店
地址：油麻地彌敦道 558-560 號譽發廣場 1 樓
電話：2869 6289
營業時間：11am-12mn（last order 11:30pm）
備註︰1. 熊本祭由即日至 4 月 30 日舉行。油麻地新店和銅鑼灣店均設有熊本祭限定餐牌。2. 禮物數量有限，換完即止。
原文刊載自U Magazine
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
