位於登打士街的樓上cafe龍華軒，最近推出任食雞翼放題，每位食客連加一只需$80，至啱一班食肉獸開餐！
全店共有上下兩層，店內優閑的氣氛，適合一班朋友眾腳聊天。
雞翼放題於每日2pm至6pm期間供應，提供四款口味雞翼，包括蜜糖味、蒜香味、香草味及鹽香味，可以食足四小時。
平時單叫一份雞翼都要$40，食兩份已回本。
店員會一次過上齊四款口味雞翼，每碟共7隻，隨後食客可以按喜好和食量，追加不同口味和份量的雞翼。
小編推薦蜜糖雞翼，食落外皮香脆，蜜糖夠入味；另蒜香雞翼亦是人氣之選，蒜味香濃之餘，粒粒炸蒜帶出雙重口感。
香草雞翼及鹽香雞翼味道偏淡，但亦值得一試。
食太多雞翼口渴的話，可以加錢另配飲品，Oreo朱古力（$42）味道香滑。
雞翼放題只接受預先訂位，老闆話曾有兩位客人成功挑戰99隻雞翼，想要挑戰紀錄就記得要訂位啦，但記住食得晒先至好嗌！
地點:旺角登打士街36號恆威商業中心17樓
電話:2651－8033
文：HK港生活
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
