本地牛奶品牌「十字牌」近一、兩年時不時推出新口味，綠茶、白朱古力、紫薯等，比以往破格，有人喜歡，亦有人覺得奇奇怪怪。
最近西營盤更開設全港首間「十字冰室」，故名思義，整間店鋪都以十字牌牛奶為主角，別具特色！
在冰室的裝潢上，可見傳統經典元素，門口的霓虹招牌尤其搶眼，加上手寫餐牌、仿紙皮石地板、貼滿街招的牆身鐵閘等等，懷舊而不老土，難怪店內顧客不乏後生一族，如果地利位置更方便，相信人流會更旺呢。
食品方面，粉麵的選擇較一般茶餐廳少，不過當中的「番茄牛尾湯通粉（單點大碗裝$48）」質素甚高，湯底以新鮮番茄和雜菜打成，不用靠茄膏，已十分鮮甜。
牛尾亦以「件」上，且非肉碎，相信能滿足食肉獸。
如果想食得清新一點，不妨試試這款以「十字牌芒果木瓜奶（套餐$41）」製成的麥皮，加入新鮮木瓜粒粒，沒原味牛奶麥皮般單調。
另有多款三文治、厚多士、菠蘿包選擇，現場所見，不少人都點選「火腿爆蛋菠蘿包（$24）」；輕咬一口，中間的半熟煎蛋緩緩流出蛋黃，配搭不錯，不過就略嫌定價有點高。
提供給大胃王的選擇也不少，包括燒原隻無骨春雞配薯條（$88）和All day breakfast（$59），無骨燒春雞啖啖肉，雞皮薄而香脆，好味！（更新：試業期間，餐廳未有燒春雞供應，想食的話可向餐廳查詢供應時間）
輪到甜品，冰室用上十字牌牛奶製作軟雪糕，牛乳味香濃，$20一支試得過；餐廳不定期更會推出期間限定口味，甜品迷密切留意。
店內不少特飲都可加錢配搭軟雪糕，如自家製士多啤梨奶昔（$34）；其他飲品包括樽仔奶茶、奶茶紅豆冰、鴛鴦等，不妨一試。
*以上為試業期間食品售價，價格之後或會更改
地點:西營盤高街48-78號恆陞大樓12號鋪
開放時間:7:15am-6:15pm
電話:2887-1315
文：HK港生活
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
