主打日式咖哩的Tiger Curry & Cafe，最近推出歡樂時段放題，而放題的主角就正正是受歡迎的佐酒小食之一—雞翼！
由即日起，銅鑼灣邊寧頓街分店將推出「$90任飲任食啤酒+炸雞翼」歡樂時光優惠；於每日4pm-7pm期間，食客可以享用無限量供應的Suntory生啤及炸雞翼，3小時慢慢歎。
放題每次供應4隻即炸雞全翼，食完再添，數量不限；即炸雞翼熱辣辣，外層相當香脆，內裡嫩滑，味道不錯。
雞全翼一開二，方便食用。
每位收費$90，加一後亦只是$100有找，對喜歡喝啤酒的食肉獸來說，幾抵食！
雞翼放題以外，店內亦會於7月3日至8月2日期間，舉辦「辛辣雞翼挑戰賽」。
參賽者須由挑戰微辣至火燒舌頭共4個辣度的雞翼，挑戰賽的辛辣雞翼全部加入韓式辣醬及生辣椒製成，當辣度升級時，所加入的辣醬份量亦增加，限時內挑戰成功即無需收費，挑戰失敗就需要付$148啦！
去到7月底，餐廳更將邀請3位最短時間內完成的挑戰者進行終極比試，勝出者可獲$1000的餐廳消費額（限期為3個月）。
小編試食過後，最初級的辣雞翼只有微辣感覺，對於能食辣的朋友簡直輕而易舉！再吃下去二級辣至三級辣的程度相若，而最辣等級的雞翼用了1碗份量的辣醬撈成，所以食落口啖啖充滿辣醬料的味道，雖然辛辣感不算極重，但滿口辣醬的話，仍會辣得眼冒汗。
但要留意，十分鐘內不能飲水，亦不能用水沖淡雞翼的辣度，所以要在限時內將雞翼食完，確實有難度！
自問食得辣的話，不妨參加比賽！
Tiger Curry & Cafe
地點:銅鑼灣邊寧頓街14號地下
電話:2511-1051
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
