想食日本菜但又唔想食生冷野？可以考慮下食鐵板燒，暖笠笠之餘菜式都好精緻。銅鑼灣的鉄人旨花就有供應鐵板燒套餐，以海鮮為主角，一次食勻新鮮海產+和牛！
「蝦夷鮑魚鐵板燒餐」($2588)及「伊勢海老鐵板燒」($2088)二人套餐除主菜外，其餘菜式都一樣。
先有沙律及牛舌作前菜，款式每日不同。
蝦夷鮑魚套餐有日本鮑魚及鵝肝作主菜，鮑魚十分新鮮，味道鮮甜。
紅酒煎鵝肝好肥美，入口充滿油香，配上煎得脆身的多士，感覺不會太膩。
伊勢海老餐就配有汁煮東星斑及海膽汁煮龍蝦，東星斑比想像中嫩滑，伴碟的洋蔥亦十分入味。
選用澳洲龍蝦，大大隻，肉質彈牙爽甜，海膽汁味道不太突出，不會蓋過龍蝦的鮮味。
兩個套餐同樣配有A5和牛、炒飯及煮蜆，全部都好高質！
熊本縣產A5和王牛油脂分佈均勻，主廚建議煮5成熟，保留肉汁及嫩度。
和牛雖然不至於入口即化，但肉汁豐富，好食！
怕唔夠飽肚仲有和牛炒飯，炒飯粒粒分明，味道不會太濃，食過較油膩的和牛後可以中和一下。
清酒煮蜆湯汁夠清甜，可惜蜆份量較少。
甜品二選一，每晚款式不同，味道不過不失。
