近期在海港城幾紅的馬來西亞餐廳,最近推出 3 款榴槤甜品,分別以香氣濃郁的貓山王榴槤蓉或口感 creamy 的 D24 榴槤製成。款款足料而且一上枱就榴槤飄香,榴槤 fans 睇到會不會心動吃?
text│Kathryn photo│Kei
記者勁鍾意榴槤,尤其係濃郁甘香的品種,如果你同我一樣,推介大家嚟這間馬拉餐廳歎榴槤甜品,用餐區以馬拉帶殖民地色彩的娘惹宅院做主題,仲有舒適的巨型鳥籠沙發座,靠窗位還可欣賞到維港海景。
首選推介是爆漿榴槤咖椰多士伴榴槤雪糕,以馬來西亞方包夾了咖椰醬加貓山王榴槤蓉,切開時爆漿,香脆麵包加榴槤咖央醬配榴槤雪糕,貓山王濃郁的味道充斥口腔。
榴槤朱古力布朗尼伴榴槤雪糕,雪糕則用上風味平易近人的 D24 榴槤製,同時享受冰火口感,亮點絕對是充滿貓山王榴槤蓉的雪糕,啖啖榴槤,味道攻上鼻,也令榴槤迷心心眼。
鍾意清新一點,可試榴槤椰子奶凍伴榴槤雪糕,雪糕用 D24 榴槤製:另有新出、用貓山王做的榴槤椰糖沙冰及榴槤斑蘭紅豆冰,入口榴槤香氣十足,一定滿足到榴槤 fans。
安娣瑪萊新推出 3 款榴槤甜品,分別以香氣濃郁的貓山王榴槤蓉或口感 creamy 的 D24 榴槤製成。
爆漿榴槤咖椰多士伴榴槤雪糕 $88
中間的醬料以咖椰醬加貓山王榴槤蓉調製成,味道濃郁香甜。
來自馬來西亞的麵包焗得香脆,切開即爆漿。
榴槤朱古力布朗尼伴榴槤雪糕 $88
貓山王榴槤蓉加 D24 榴槤雪糕,入口有雙重榴槤香味,加上微暖朱古力布朗尼,一冷一熱食很過癮。
榴槤椰子奶凍伴榴槤雪糕及椰子脆脆 $98
以自家製椰子奶凍配 D24 榴槤雪糕及椰子肉,濃郁香滑得來又很清新。
榴槤椰糖沙冰 $68、榴槤斑蘭紅豆冰 $68
沙冰以貓山王榴槤蓉及馬六甲椰糖打成沙冰,帶有絲絲榴槤果肉;後者用D24榴槤雪糕斑蘭汁、椰奶沙冰及綿密紅豆蓉調成,口感很豐富。
【info】
安娣瑪萊 Auntie MALAY
地址:尖沙咀廣東道 3-27 號海港城海運大廈地下 G16 號舖
電話:2110 3533
營業時間:11:30am – 10pm