呢個咁特別嘅煲仔飯,估唔到來自一間好平凡的街坊舖頭,就係慈雲山的「榮記茶餐室」。不過舖頭喺區內甚受歡迎,每晚六點半後都座無虛設,十個有九個吃貨都必點「邪惡芝士煲仔飯」,近期仲成為餐廳名物。
【各區特搜】
聽個名已覺十級邪惡,煲仔飯面全是又熱又厚的芝士,焗至半融,仲要灑上炸至脆身的煙肉條,用匙羹一舀,熱氣散發,好香呀!芝士與飯黐埋一齊,不斷上演拉絲誘人場面,芝士味在口腔內大爆發。在清涼天氣食到呢個暖笠笠的煲仔飯,疏乎到暈。
邪惡芝士煲仔飯 $68
呢個芝士煲仔飯,除咗芝士,其實可以揀配料,有午餐肉、牛肉及雞肉三揀一,加埋厚厚的芝士、粟米粒及脆煙肉條,撈埋一齊食,勁似 Carbonara 意粉的味道!芝士味勁度濃烈,雖然好 heavy,但味道好夾,飯粒質感有點似 risotto,食到一半已經感到有點滯,最好是趁熱同 frd 子開心 share,凍咗仲膩呀!
【窩心推介】
除了厚厚一層芝士外,仲有
脆煙肉條、
粟米、
午餐肉,配料十分豐富。
食到底,有少少飯焦,加埋芝士的焦香,更加惹味。
蝦乾蠔豉煲仔飯 $98
同場仲有新品「蝦乾蠔豉煲仔飯」,未食已經聞到陣陣蝦乾及蠔豉香,分量非常多,蝦乾夠大隻又夠多,但食落較為淡口;而來自流浮山的金蠔,size亦不小,每隻有 1/4 掌心大,好揼本。咬落不乾身兼有汁,但略嫌有點甘苦味,而精華在於飯粒吸晒蝦乾及蠔豉的鮮香味,加點豉油,不經不覺 K.O 全煲飯!
蠔豉夠大隻又多汁,但美中不足是略帶苦味。
文:Theo 攝:Ken
【今日焦點】
米芝蓮 2017 出爐喇!直擊星星降落
【邪惡推介】
滿滿一碟!越「男」海膽撈檬
【窩心推介】
鐵板上!滋滋咋咋冰火 Brownie
歡迎你 like 我哋 U Food Facebook Page / U Food Instagram ,取得我哋更新更快嘅資訊!