Calbee Plus喺日本有10間分店,而利東街嗰間係第1間海外分店喔親。新店會喺3月21日開幕,小編見裝修得如火如荼,都好期待!
兩層嘅Calbee Plus,上層係零食體驗工作坊,下層就打造成Calbee Plus體驗店,玻璃開放式廚房可以俾你近距離睇到炮製薯片、薯條嘅生產過程。睇完仲可以即刻買即炸薯片/薯條小吃嚟食,新鮮滾熱辣!唔同口味嘅薯片,你可以揀波浪型或者平切薯片兩種口感,再加埋芝士或者朱古力醬,同配日本3.5牛奶軟雪糕,創咗薯片新食法!
Calbee迷留意返 — Calbee Plus會喺 3月22至28日嘅 1pm至6pm 派熱辣即炸薯片,每段會送出50杯薯片杯,先食先享受,到時見!
btw, Calbee Plus每間分店都會有款以當地特色而創嘅地方限定口味,而香港限定就係「避風塘香辣味薯片」,到底薯片夠唔夠辛辣香脆呢?小編試完話你知。
另外,日本人氣No.1嘅Poterico原味薯條同芝士條都引入咗嚟Calbee Plus香港,外皮香脆可口,內裡薯仔仲軟綿綿,好有層次。
Okashi Galleria x Calbee Plus
地址:灣仔皇后大道東200號利東街地下G14G14-15號 (合和中心對面)
營業時間:10am-10pm
歡迎你 like 我哋 U Food Facebook Page / U Food Instagram ,取得我哋更新更快嘅資訊!