天氣明顯轉涼，下星期更降至17度，除了打邊爐外，飯後還心思思想食個暖笠笠甜品，但又唔想出街買，不如試下自己煲啦，又平又抵食～以下介紹的10款糖水好味之餘，還有滋潤養生功效，一家大小都適合飲！而且做法相當簡單，新手整都完全無問題呀！
１．腐竹雞蛋桃膠糖水
腐竹雞蛋糖水一向是受歡迎的中式糖水，今次再加上桃膠一齊煲，香滑之餘又滋潤。
２．冰花燉蛋
傳統的廣東甜品，只需用兩種材料就做到，而且步驟簡單，最適合夜晚想吃甜品又懶出街的朋友，15分鐘就搞掂！
３．椰汁芋頭西米露
秋冬芋頭特別粉糯，很適合用作煲糖水，而椰汁芋頭西米露則是不二之選，做法簡單又好味，飯後甜品一流！
４．蛋白杏仁茶
杏仁茶不但有美白去斑和排毒的功效，而且亦含豐富的抗氧化物質，絕對是養顏佳品呢！而最重要是製作十分簡單，適合各位又懶又愛美的人士整啦！
５．芝麻糊
最傳統的中式糖水之一，芝麻糊不但可以護膚美髮，還能夠補血降血壓，鈣質更比牛奶高出4倍，大家都快點試試啦！
６．桑寄生蓮子蛋茶
桑寄生的功效非常多，可祛濕、養顏、寧神安眠，不但是女士們的恩物，連男女老幼孕婦都適合飲用！而且煲時散發著一陣陣紅棗香甜味，非常滋補養生。
7．鴛鴦蕃薯糖水
用上兩種不同的蕃薯製作，口感和味道更豐富，而且20分鐘就能食到呢！
8．桃膠木瓜桂圓糖水
桃膠是平民版燕窩，有養顏滋潤的功效，加上木瓜和桂圓，不但味道香甜，更可滋補潤肺，非常適合秋冬乾燥季節食!
9．椰汁紫米露
紫米又稱黑糯米，含花青素，膳食纖維很豐富，有效促進腸胃蠕動，預防便秘，而且有咬口，煙煙韌韌。喜歡煙韌口感的朋友就一定要試試啦～
10．薑汁撞奶
天氣寒冷，當然想食暖笠笠的滋潤甜品，薑汁撞奶不但有暖胃驅寒的作用，而且所需的材料和製作步驟也十分簡單。
↓【免費送🎁】微熱山丘全新造型香蕉窩夫餅乾禮盒100盒！↓
↓ 進駐香港十週年大贈送│送埋香港獨家限量版布袋～↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
