陳皮冰糖燉檸檬是傳統養生的方法,有潤肺止咳的功效。冰糖同陳皮就有助健脾和胃、潤肺止咳作用,而檸檬可消解胃氣同埋咽痛喉乾。秋冬天氣乾燥,飲用陳皮冰糖燉檸檬就最適合不過了!
步驟:
1.檸檬先用鹽水浸至少半小時,然後除去中中間白芯及頭尾。然後切片,之後去走檸檬核。
2.切片後需要印一印乾水份。
3.陳皮浸軟挖囊,然後切絲。切絲後亦都需要印乾水份呀。
4.之後可以一層檸檬一層冰糖咁放入燉盅內。最後一層就加入陳皮絲。
5.最後就可以放入電子燉盅燉15小時。
6.燉嘅途中記得要定時加熱水落燉盅外,以免燉乾水。
7.燉夠15小時之後,放涼一陣就可以入樽啦。
8.飲嘅時候就只需要因應個人口味,濃淡隨意加入熱水就飲得。
9.最好記得要食埋啲渣呀。
完整教學影片:
來源:小小豬Kinsey 授權轉載。