冬日暖笠笠 雪耳粟米煲紅蘿蔔湯

發佈: 2018.01.16

冬天容易手腳冰冷,飲上一碗熱湯就可以幫助身體保暖。除左好飲好食之外,依家乾燥天氣,都真係要飲多啲雪耳湯,密密滋潤返下先得呀。

材料:

新鮮雪耳 1朵
粟米 2條
紅蘿蔔 1條
百合 1兩
白蓮子 1兩
南北杏 1湯匙
無花果 3粒
瘦肉 

步驟:

1.新鮮雪耳小心清洗後,就可以去蒂切塊。

冬日暖笠笠  雪耳粟米煲紅蘿蔔湯

2.南北杏、白蓮子及百合浸洗一陣,記得要望一望蓮子入面嘅蓮芯清除晒未,如果加埋依啲蓮芯一齊煲湯,就會令到湯帶有苦味。

冬日暖笠笠  雪耳粟米煲紅蘿蔔湯

3.紅蘿蔔及粟米洗淨去皮切件。瘦肉洗淨汆水。

冬日暖笠笠  雪耳粟米煲紅蘿蔔湯

冬日暖笠笠  雪耳粟米煲紅蘿蔔湯

4.煲內放約3L水,然後放入所有材料(新鮮雪耳除外)。

5.待滾起時,用大火加蓋煲約15分鐘。再轉慢火加蓋煲45分鐘。

冬日暖笠笠  雪耳粟米煲紅蘿蔔湯

冬日暖笠笠  雪耳粟米煲紅蘿蔔湯

6.這個時候就可以加入新鮮雪耳,如果太早加入新鮮雪耳,就會煲到溶晒,成個湯就會好似漿糊,影響口感。

7.最後再以慢火煲多30分鐘,最後加少少鹽就飲得啦。

冬日暖笠笠  雪耳粟米煲紅蘿蔔湯

溫馨提示:
-由於個別人仕體質不同,所以大家記得煲之前了解下自己,如有疑問,請先向註冊中醫查詢!
-煲過嘅雪耳一定要即日食/飲晒,如果隔夜,經過一夜嘅浸透,佢就會放出一啲有害物,到時就有益變有害啦!

 

 

來源:小小豬Kinsey 授權轉載

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more