卜卜蜆麻辣雞煲食譜|近排天氣轉涼,最適合暖笠笠煲仔菜,不如試試簡易版麻辣卜卜蜆麻辣雞煲食譜!麻辣雞煲惹味香濃,還加入鮮味十足的大蜆,熱辣辣餸飯一流!簡單4步就可以快手完成鑊氣煲仔菜,大家都趁冬天快點試這道卜卜蜆麻辣雞煲食譜啦~
-
準備時間
30分鐘內 -
份量
3-4人
- 雞(切件): 1隻
- 蜆: 半斤
- 麻辣雞煲醬: 2湯匙
- 薑: 4片
- 乾蔥: 10粒
- 蒜頭: 10粒
- 芫茜: 適量
- 酒: 3湯匙
- 辣椒(切段): 適量
- 生抽: 1湯匙
- 麻油: 2茶匙
- 胡椒粉: 1茶匙
- 蠔油: 1茶匙
同場加映: 聖誕Party之選!網店原隻烤火雞聖誕到會套餐
麻辣卜卜蜆雞煲做法:
*事前準備:新鮮蜆先簡單沖水,浸鹽水大約半小時吐沙即可。
1. 雞件用生抽、麻油、糖、胡椒粉、蠔油、花雕酒等調味料醃5分鐘。
2. 燒熱鍋落一湯匙油爆香薑片、乾蔥頭和蒜頭,放入雞件煎香兩面到金黃色。
3. 加入雞煲醬炒香,贊酒。落一小碗水。
落蜆,蓋蓋子中小火煮到蜆開口。(太多水可以落生粉水收一收水。)
4. 最後落辣椒、芫荽兜炒即可上碟。
完成啦!卜卜蜆麻辣雞煲好有鑊氣,充滿大排檔風味,加入蜆更鮮甜,好適合重口味人士!懶人版雞煲做法用了即食雞煲醬,更加簡單適合新手。除了蜆以外,大家可以按個人喜好選擇花甲或沙白等海鮮。