麻糬波波｜焙茶黃豆粉脆皮麻糬波波食譜　超酥脆曲奇菠蘿皮+煙韌Q軟和風口味！附失敗原因小貼士

麻糬波波食譜｜麻糬波波可算年度大熱甜品，面對一「波」難求，一於教大家做焙茶黃豆粉脆皮麻糬波波食譜！麻糬波波食譜零失敗不變硬，也不會回縮。麻糬波波口感煙韌Q軟，和風的焙茶口味，再配酥脆黃豆粉曲奇菠蘿皮，茶控一定大愛！大家都不妨在家裏挑戰一下脆皮麻糬波波啦~

↓點擊圖片放大↓

+19

+18

焙茶黃豆粉麻糬波波

分量：約10個

*預備工具：擠花袋

1. 先做脆皮。牛油與糖打發，加入低筋麵粉、黃豆粉成曲奇糰。放在保鮮紙搓成麵圓柱體，冷藏20分鐘，切片備用。

↓點擊圖片放大↓

+4

+3

2. 做麻糬波波。混合牛奶、高筋麵粉、焙茶粉。加熱牛油、糖，倒入混合物煮成團。

↓點擊圖片放大↓

+3

+2

關火落木薯粉搓成麵糰。

↓點擊圖片放大↓

+2

3. 逐少放入蛋液，質地成倒三角形。放入擠袋，擠在牛油紙上。

↓點擊圖片放大↓

+3

+2

4. 曲奇團放面頭。入焗爐180度烤焗20分鐘。

↓點擊圖片放大↓

+3

+2

5. 最後撒上黃豆粉即成。

*零失敗小貼士：

• 想做到脹卜卜的空氣感，必須完全加熱高筋麵粉煮成糰子。離火快手落木薯粉，趁熱搓成糰子。
• 蛋液也需要逐少慢慢下，不可一次過落，讓麵糰吸收，見到在刮刀呈現倒三角形即可，70克蛋液約莫為1.5隻蛋，落蛋液分量按實際情況而定。
• 焗爐溫度不夠熱，脹起便會回縮，需要確保爐溫足夠。每一家的焗爐設定都不太一樣，可能需要反復嘗試才能掌握。

完成啦！麻糬波波菠蘿皮好酥脆，裏面煙煙韌韌，還有脹卜卜空心效果，再加上面頭黃豆粉同焙茶，和風口味味道超夾！自己整麻糬波波其實一點都不難，而且低成本約$30就做到，不用大排長龍自己整都食到啦！

↓點擊圖片放大↓

+6

+5