秋季天氣涼爽,最適合就是去野餐。通常大家會準備什麼食物呢?三文治,菠蘿腸仔?每次都是這些食物未免有點悶吧!今次就教大家4款外型吸引,好味之餘又可以影相打卡,而且簡單易整,新手都無難度。大家不妨趁著假期,相約家人朋友一齊去野餐啦!
-
準備時間
1小時內 -
份量
3-4人
- 墨西哥卷餅: 1包
- 雞柳 : 4塊
- 芒果: 1個
- 生菜: 1顆
- 蕃茄: 1個
- 燒烤醬: 適量
- 生抽: 適量
- 盬: 1茶匙
- 糖 : 1茶匙
- 生粉: 1茶匙
雞肉墨西哥卷再配上香甜的芒果,賣相討好,而且味道清新,飽肚又健康,做法也非常容易,4個步驟就整到!大家更可根據個人口味轉變墨西哥卷的配料!
Nutella方包平時就食得多,Nutella鮮果多士卷又試過未呢?香濃的Nutella醬配上鮮果,啖啖甜蜜滋味,當甜品小食一流!
野餐小食又怎可少得雞翼呢?若怕天氣涼,雞翼凍了不好食,這款花雕醉雞翼就最適合不過啦~酒香撲鼻、雞翼嫩滑,望到都流口水!步驟簡單,容易上手,大家可提早一晚整,雞翼會更入味。
相信不少人都喜歡香口小食,不過薯片鈉含量頗高,偶爾吃吃便可。想食得健康點,不如試試這個紫菜花生芝麻脆脆,紫菜低卡,果仁又含蛋白質,而且脆卜卜,當零食小吃一樣吃不停口。