正在閱讀
Title
6款環保飲管大比拼邊款最方便易攜易清潔?
【廚具用品】打工仔恩物!Lunch Time免排隊 日本一人蒸氣加熱飯盒 仲可以煲新鮮白飯

6款環保飲管大比拼:不銹鋼、玻璃、竹製、甘蔗、大米、海藻 邊款最方便易攜易清潔?

發佈: 2019.03.24
文: YY

香港人愈來愈重視環保,除了餐廳會走塑外,不少人亦會採用環保飲管代替一般即棄塑膠飲管。不過環保飲管也有不同款式,究竟哪一款最啱使?這次小編就為大家列出6款環保飲管的優缺點,一次睇下哪一款適合自己!

 

1. 不鏽鋼飲管

大家最常見的環保飲管應該就是不鏽鋼飲管,有一些響應環保的小餐廳也會提供不鏽鋼飲管給客人,一支都唔平,大約$30至$50左右,包清潔用具。

不易損壞,飲凍飲特別爽快,不過飲熱飲就要小心辣到嘴!

環保不銹鋼飲管

最近外國更推出了摺疊式不鏽鋼飲管,攜帶更方便,不過價錢當然就貴很多。

環保不銹鋼飲管

 

2. 玻璃飲管

玻璃飲管透明,可以睇清楚飲管乾不乾淨,外觀又更靚,而且耐熱度亦好多,飲熱飲一樣得。

最平$20都有交易,不過玻璃飲管就比較重身,而且好易跌爛,如果自問成日跌爛嘢的朋友都不建議選擇這款。

環保玻璃飲管

 

3. 竹製飲管

竹製飲管外觀靚,用料天然,價錢$15至$30左右。

環保竹製飲管

不過就好難保養,可能較易發霉。

 

4. 甘蔗/咖啡飲管

今年新研發的甘蔗/咖啡飲管以天然甘蔗纖維/咖啡渣製造,環保可分解。最近仲進軍香港,網店就買到。

環保甘蔗飲管

不過就係一次性使用,而且只適合用於凍飲。

環保甘蔗飲管

 

5. 大米飲管

韓國這款大米飲管,質地硬淨,可供冷熱飲使用,更可以直接食用,更有人實測用來煮意粉,每枝15韓元(約0.11港元)。

不過香港就未買到,而且比起其他飲管,耐用度就比較低。

 

6. 海藻飲管

美國最近推出海藻,環保可分解,更可直接食用,而且使用時長可達18小時。

不過就不可重用,而且尚未正式推出,想買就要再等等。

 

你又喜歡哪一款?

圖片來源:AmazonStrawsomeBambuFB@元泰竹藝社FB@100%植

發表食譜

more