最近天清氣朗,月頭有個小假期,當然要去玩輕鬆下啦~就算無出外旅遊,留在香港也不用怕悶,去郊外野餐一樣可以好開心!今次就爲大家準備十款簡單易整又適合打卡的野餐小食,有齊冷盤、沙律、主食同甜品,一於趁假期約埋朋友去野餐啦!(內文仲會有野餐地方推介)
冷盤小食:
野餐小食又怎可少得雞翼呢?花雕醉雞翼酒香撲鼻、雞翼嫩滑~而且花雕汁可以同時用黎整溏心蛋,一個醬汁就可以整到兩款小食,方便又好味!
1. 花雕醉雞翼
2. 花雕溏心蛋
香脆小食:
3. 紫菜墨魚腐皮卷
外型像壽司,一口一塊,啱啱好~墨魚滑可換成蝦膠或鯪魚肉,除了加粟米粒也可加馬蹄粒或其他食材。
4. 廚師腸芝士餃子
除了菠蘿腸仔,用餃子皮包住廚師腸和芝士煎香,脆卜卜,芝士微溶,15分鐘搞掂!
主食:
5. 午餐肉飯糰
把午餐肉切塊,兩面煎至金黃,壽司飯握成午餐肉般大小,放上午餐肉,再用紫菜圍住即成,好簡單,賣相都好吸引~
6. 蝴蝶粉沙律
7. 雞肉墨西哥卷
雞肉墨西哥卷再配上香甜的芒果,賣相討好,而且味道清新,飽肚又健康。
甜品:
野餐少不了要食甜品,以下3款甜品不但賣相吸引,打卡一流,而且做法非常簡單。
8. 紫薯糯米糍
糯米糍煙煙韌韌,連糯米皮也加入紫薯蓉,令外皮看上去更吸引,而且咬下去啖啖紫薯蓉,綿密香甜!
9. 芝士麻糬波波
10. 朱古力Brownie
呢個朱古力Brownie用電飯煲就整到,新手都無難度!
準備好野餐食物就可以出發啦!一齊睇睇想去邊度野餐啦~