最近終於轉天氣,有少少涼意,飯後心思思想食個甜品,但又唔想出街買,不如試下自己煲啦,又平又抵食~以下介紹的6款糖水好味之餘,還有滋潤養生功效,一家大小都適合飲!而且做法相當簡單,適合各位懶人製作,新手整都完全無問題啦!
1.腐竹雞蛋桃膠糖水
腐竹雞蛋糖水一向是受歡迎的中式糖水,今次再加上桃膠一齊煲,香滑之餘又滋潤。
2.椰汁芋頭西米露
秋冬芋頭特別粉糯,很適合用作煲糖水,而椰汁芋頭西米露則是不二之選,做法簡單又好味,飯後甜品一流!
3.桑寄生蓮子蛋茶
桑寄生的功效非常多,可祛濕、養顏、寧神安眠,不但是女士們的恩物,連男女老幼孕婦都適合飲用!而且煲時散發著一陣陣紅棗香甜味,非常滋補養生。
4.蛋白杏仁茶
杏仁茶不但有美白去斑和排毒的功效,而且亦含豐富的抗氧化物質,絕對是養顏佳品呢!而最重要是製作十分簡單,適合各位又懶又愛美的人士整啦!
5.芝麻糊
最傳統的中式糖水之一,芝麻糊不但可以護膚美髮,還能夠補血降血壓,鈣質更比牛奶高出4倍,大家都快點試試啦!
6.鴛鴦蕃薯糖水
用上兩種不同的蕃薯製作,口感和味道更豐富,而且20分鐘時間就能食到呢!