日本水果專家傳授揀士多啤梨秘訣 兩招教你揀到又大又甜的士多啤梨!

發佈: 2019.12.28
文: 陸嘉敏

每年12月至翌年5月是士多啤梨的當造季,不少人都喜歡購買日本士多啤梨,但到底怎樣才揀選到又大又甜的士多啤梨呢?日本朝日電視台節目《相葉マナブ》邀請了東京高級水果店千疋屋買手石部先生教如何挑選大粒又甜的士多啤梨之餘,還分享了一年之中哪個時候最抵買,下次去買的時候就識揀啦!

選購士多啤梨的時候可以留意兩點:

1. 觀察士多啤梨上的綠萼葉子

綠萼葉子愈翹代表愈甜,因為葉子翹起是士多啤梨保持水份充足的證明。

2. 觀察士多啤梨的形狀

其實右邊奇形怪狀的比較好吃,由於士多啤梨會由尖端開始熟起來而變紅,所以奇形怪狀、有多過一個尖端的士多啤梨就證明了有好多部份都已經成熟甜美。

而且較大顆的士多啤梨需要用更多時間完全成熟,所以味道會更濃縮更甜。

節目中,石部先生還教路春季的士多啤梨比冬季更抵食!因為春季同樣當造,不過價錢就足足比冬季便宜一倍。所以大家下次想食到又平又靚士多啤梨,不妨花些耐性、等到春季才出手啦!

【揀士多啤梨】日本水果專家傳授揀士多啤梨秘訣 兩招教你揀到又大又甜的士多啤梨!

 

來源:日本朝日電視台節目《相葉マナブ》

↓【送機票✈️】分享旅行靚相 贏免費機票↓

↓ 請您免費飛轉日/韓/泰!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more