【吐司食譜】港式麵包,如菠蘿包、腸仔包等是不少人常吃的,要自己整可能會太複雜,想在家都食到美味的麵包,其實簡單一塊方包配上不同材料都可以變出多個花款,以下便為大家收集了6款簡單易整又好味的三文治及多士食譜,非常適合早餐或下午茶時食用呢!大家係屋企都可以試試整~
1. 芋泥肉鬆三文治
台灣必食的早餐除了蛋餅,還有近年大熱的爆餡芋泥三文治,芋泥口感綿密,配上鹹香肉鬆,口感豐富,自己係屋企都整到台式風味。芋頭控一定要試整!
2. 香蕉西多士
煎炸至金黃色的西多士是港式茶餐廳經典的下午茶,淋上蜜糖非常美味呢~西多士可自由變化,除了搭配香蕉朱古力醬,亦可配上芝士火腿,同樣滋味十足。做法非常簡單,只需十五分鐘就完成。
3 韓式三文治
韓式三文治餡料豐富,而且醬汁酸酸甜甜,味道非常夾!製作簡單,相信不出門都可以帶大家重溫韓國Isaac Toast的味道!
4. 水波蛋牛油果多士
牛油果絕對是三文治的好朋友,牛油果壓成蓉後,可成為可口美味的醬料,而且它的營養豐富、熱量低,配上流心水波蛋,減肥時吃就最適合不過了!
5. 流心芝士多士
相信大家都無法抗拒芝士的引誘,這個流心芝士多士5分鐘就做到,有時口痕都可以輕易整出美味的多士啦!
6. 吞拿魚粟米多士盒
要食到脆卜卜的三文治都不一定要焗爐才做到,這個免焗多士盒簡單又健康,早餐吃就最好不過喇!