韓國的零食一向深受大家歡迎,要數近期最紅的必定是朱古力年糕曲奇,香濃朱古力曲奇包住煙韌麻糬內餡,令人一試難忘。有位巧手媽媽自家研製煙韌年糕朱古力曲奇食譜,外型和味道都神還原!唔洗去韓國都食到,各位煙韌控和甜食控一於跟住食譜自己整啦~
-
準備時間
1小時內 -
份量
3-4人
- 曲奇材料:無鹽牛油溶液: 60g
- 糖: 50g
- 鹽: 5g
- 蛋黃: 1隻
- 淡忌廉: 70g
- 低筋麵粉: 165g
- 可可粉: 8至10g
- 泡打粉: 1g
- 朱古力粒粒 : 適量
- 餡料材料:糯米粉: 65g
- 粟粉: 10g
- 幼砂糖 : 10g
- 牛奶: 70g
- 淡忌廉 : 70g
- 無鹽牛油: 10g
以下食譜份量可做18個年糕朱古力曲奇。
先做煙韌內餡(*按圖看詳細步驟)
再做朱古力曲奇(*按圖看詳細步驟)
餡料做法:
1. 用一大碗,拌匀糯米粉、粟粉和幼砂糖。
2. 加入牛奶及淡忌廉,用手動打蛋器拌至無粉粒及糖溶化。
3. 倒入一碟,隔水大火蒸20分鐘。
4. 加入牛油,用刮刀拌匀後,稍涼時用手搓匀成團。
5. 用保鮮紙包住,放入雪櫃備用。
曲奇做法:
1. 用一大碗,放入糖和鹽。
2. 然後倒入無鹽牛油溶液,用電動打蛋器打至糖溶及杰身。
3. 加入蛋黃,打匀。
4. 分幾次加入淡忌廉,打至有小軟勾。
5. 篩入低筋麵粉、可可粉和泡打粉,用刮刀拌匀。
6. 加入朱古力粒粒,用手搓成團。分成18等份。
7. 從雪櫃中取出饀料,分為18等份(每份約12g)。
8. 每份曲奇麵團包入一份餡料,收口向下。
9. 放上已鋪牛油紙的焗盤上,用手稍為壓平。
10. 放入焗爐170度焗約15至18分鐘。
曲奇出爐啦~超吸引!
圖片和食譜來源:FB@海沙媽媽 授權轉載。