「相機食先」相信係唔少香港人的口頭禪,食物除了好食之外,仲要夠「IGable」,可以影相打卡。除了出街可以食到打卡美食,喺屋企亦一樣可以簡單整到!最近眾籌網站就出現了一款積木窩夫機,可以自己用積木窩夫砌出唔同造型的窩夫,有得食有得玩仲有得打卡,一次過滿足哂3個願望。
WaffleWow在Kickstarter發佈後短短1日就眾籌成功,由美國廚具製造商Cucina Pro研發。窩夫機烤盤是一個個積木的模板,有3個不同長度的積木,可以砌成不同的造型,如層層疊、城堡,一邊食早餐一邊玩LEGO~
窩夫機現接受預訂,預計2020年8月出貨,一個USD50(約港幣$388),香港同樣接受訂單,眾籌時間到4月18日截止,想買的朋友就要到Kickstarter網頁預訂喇!
資料及圖片來源:WaffleWow@Kickstarter