MUJI無印良品除了家品及生活用品，亦有不少美食選擇。早前九龍灣生活概念店推出全新即食急凍包，但其實MUJI一向有提供不同速食食品，其中的速食料理包更可以煮出各種多樣的菜式，今次就為大家整理了無印官方推出的11個食譜，只要簡單材料配上無印的速食料理包就完成，在家亦可輕鬆做出無印風料理！
無印良品官方網站推出食譜，教大家用MUJI自家速食醬料包來製作不同料理，一齊睇睇以下11款食譜，有咖喱料理及甜品，廚房新手都可以做到：
1. 香炸牛油咖喱雞薯球
用上印度牛油咖喱雞醬料，配合薯仔製作成薯球，醬料同時用來做餡料及醬汁，口感更豐富。
2. 咖喱烤肉丸
肉丸加入法式小牛高湯咖喱醬汁，再配上芝士烤焗，juicy之餘仲有拉絲效果！
3. 千層法式多士
牛油千層蛋糕加幾樣簡單材料就可以變成法式多士，甜品控可以試下自己整～
4. 印度奇瑪咖喱烤年糕
在日式超市會見到有一包包的麻糬年糕買，除了加煉奶做甜品外，原來亦可以加入咖喱醬及芝士做印度風的烤年糕！
5. 牛油雞肉咖喱蛋三文治
雞肉咖喱再配上雞蛋及蛋黃醬，升級版蛋沙律三文治的味道不知如何？
6. 蝦仁咖喱雲吞湯
除了日本湯咖喱外，雲吞亦一樣可以做咖喱湯！自製雲吞配上蝦仁咖喱及雞湯就可以輕鬆煮出咖喱雲吞湯。
7. 朱古力布甸
無印的自製朱古力套裝除了可以用來做朱古力外，更可以做其他甜品，加入幾款材料就可以變成香濃朱古力布甸。
8. 牛油咖喱烤雞
平時醃雞肉要預備很多醃料，但這款咖喱烤雞只要用上印度咖喱雞醬料及少量配菜就可以簡單完成～
9. 蝦仁咖喱忌廉通心粉
咖喱除了可以配飯或烏冬外，加入忌廉配通心粉亦是個不錯的選擇，加上幾款配料就更香口。
10. 牛油雞肉咖喱海鮮飯
想食好少少，可以用咖喱醬料包加海鮮來炒飯，不用預備太多材料之餘，有可以食得好豐富！
11. 奇瑪咖喱炸雞
咖喱醬料更可用來炸雞，加入乳酪一半用醃料，一半用作沾醬，開胃又惹味～
資料來源：無印良品
