【芝士食譜】20款打卡芝士食譜大集合!巴斯克芝士蛋糕/簡易芝士雞煲/無骨雞翼/焗薯

20款打卡芝士食譜大集合!巴斯克芝士蛋糕/簡易芝士雞煲/無骨雞翼/焗薯

發佈: 2021.04.29
文: Amber Li

芝士控注意!芝士可說是款百搭食材,無論主菜、小食,還是甜品都可以用到芝士製作。這次就為大家整理了20款芝士食譜,人氣巴斯克芝士蛋糕、芝士雞煲、無骨雞翼、麻糬波波等都可以在家自製;還有芝士熔岩脆薯批、流心芝士炸豬扒等打卡美食,芝士控一於在家開個芝士Party啦!

 

1. 水牛城芝士無骨雞翼

鍾意食芝士同雞翼的朋友一定要試試這款芝士無骨雞翼,雞翼拆骨再釀入芝士,啖啖肉之餘,還可以吃到芝士的鹹香,以水牛城辣汁醃製雞翼更惹味!

 

2. 巴斯克芝士蛋糕

提到芝士,一定要數到今年最具人氣的巴斯克芝士蛋糕(Basque Burnt Cheesecake)!蛋糕芝士味十分濃郁,口感比一般芝士蛋糕濕潤,更帶點焦香。巴斯克芝士蛋糕除了在外面蛋糕店買到外,其實亦可以在家自製,用焗爐簡單3步就整到!

 

3. 芝士煙肉焗薯

除了雞翼百搭外,薯仔亦一樣可以製作不同美食!簡單配上芝士已經可以做出金黃焗薯食譜,整個早餐食就perfect啦!

 

4. 黃豆粉芝士年糕

鍾意食煙煙韌韌小食的朋友一定要試試這款自製日式芝士年糕,自製糯米皮包著滿滿的芝士,外脆內軟。做法非常簡單,配上黃豆粉及煉奶一齊食更滋味!

 

5. 芝士熔岩脆薯批

同朋友開聖誕party又點少得一款打卡美食,這款芝士熔岩脆薯批做到拉絲效果,睇到都流口水!芝士配上酸忌廉,鹹香十足,而且製作簡單,新手整都完全無問題。

 

6. 芝士吉列豬扒

韓國的炸豬扒十分受歡迎,更曾有一家店創下要排隊9小時的驚人紀錄。想食炸豬扒,其實自己在家亦一樣整到!這款吉列豬扒夾有流心芝士,以半煎炸方式減少油份,配搭車打芝士或Mozzarella水牛芝士,做出拉絲芝士效果。

 

7. 芝士雞煲

天氣轉涼當然要食返煲雞煲暖暖胃,不能吃辣的朋友可以選擇香濃的芝士雞煲,加入三種芝士,味道相當濃郁。吃到最後,加入公仔麵配上鍋底的芝士一同吃更美味!

 

8. 榴槤芝士酥

榴槤配芝士新個組合出奇地夾,包入酥皮焗到金黃酥脆,食落啖啖香濃榴槤蓉,趁熱食口感更好!

 

9. 軟心芝士蛋糕

日本Mr. CHEESECAKE的芝士蛋糕極具人氣,而創辦人早前更公開了其食譜,讓大家在家也可以製作這款No.1芝士蛋糕!芝士蛋糕以忌廉芝士和白朱古力製成,芝士味濃郁,軟滑濕潤,入口即溶。凍食像雪糕,解凍食有軟心,完全解凍後則像布甸,各有不同口感。

 

10. 芝士麻糬波波

麻糬波波外脆內煙韌,還可以加入不同材料製作不同口味。這款軟心芝士麻糬波波簡單易做,芝士味道相當濃郁!

 

11. 台式芝士蛋餅

每次去台灣旅行,早餐都一定要食返個蛋餅,蛋餅餅皮Q彈,蛋味香濃。在家自製蛋餅亦十分簡單,更可按個人口味配上不同配料,這次就教大家一次製作肉鬆及火腿口味,煎完上桌切開更有半溶芝士效果!

 

12. 芝士蝦球

芝士蝦球製法看似複雜,其實只要4步就可以輕鬆完成!把芝士釀入蝦膠中,新鮮炸好的蝦球熱辣辣,咬開更有流心芝士效果,芝士控必試!

 

13. 軟心芝士麻糬蛋糕

蛋糕不一定只有鬆軟!這款麻糬蛋糕外皮香脆,內裡超級煙韌,中間更夾著芝士軟心,雙重口感,做法亦超簡單!

 

14. 芝士薯波

這款芝士薯波食譜以煎的方式製作,方便又香口,亦不會太油膩。咬開有滿滿的薯蓉,中間更夾著流心芝士,超吸引!

 

15. 豆腐芝士蛋糕

芝士凍餅除了可以配藍莓外,配豆腐亦同樣美味!不用焗爐,只需放進雪櫃冷藏即可,做法簡單,新手製作一次就可以成功!

 

16. 芝士竹輪肥牛卷

超市買的芝士竹輪價錢偏貴,在家DIY慳錢之餘,又可以配搭其他食材。這款芝士竹輪卷以獅子狗及芝士自製,再用肥牛包裹煎香,灑上孜然粉份外惹味!

 

17. 電飯煲芝士蛋糕

近年流行電飯煲焗蛋糕,這款免焗日式芝士蛋糕一樣可以用電飯煲製作,材料和製作方法簡單,而且芝士味香濃,適合各位懶人新手入廚!

 

18. 芝士蛋餃

這款流心芝士蛋餃製作簡單,簡單將材料拌勻煎香就完成,更可按個人喜好加入其他餃子材料,廚房初哥都一樣可以輕鬆完成!

 

19. 芝士韓式炸雞翼

這款韓式炸雞翼免油炸,利用薯片製作脆卜卜外皮,夠哂香口!另外再配上自製雙重芝士醬,香濃惹味。

 

20. 芝士月亮蝦餅

蝦仁、芝士配上春卷皮可以製作簡易版月亮蝦餅,4步就可以簡單完成,蝦餅面層脆卜卜十分香口,配上沙律醬更有層次。

各位芝士控可以開芝士party喇!

 

The Cheese House額外9折優惠碼

想買歐洲最頂級的芝士製作以上菜式嗎?U Lifestyle會員由即日起可憑10 U Fun換領The Cheese House全店產品9折電子優惠碼!

優惠詳情 ►https://bit.ly/3vqxdI4

立即入APP領取The Cheese House全店產品9折優惠碼 ►https://bit.ly/3u5PAlf

*以上優惠均受有關條款約束

 

延伸閱讀:3步新手零失敗甜品小食 芝士烤牛奶食譜

↓送您東海端午粽 - 香港製造信心保證↓

↓「瑤柱綠豆粽」及「湘蓮鹼水粽」↓


【立即推薦】

↓ 賺加碼U Fun換現金券及免費禮品 ↓

more