不用看火!10大超簡單懶人焗爐食譜 布甸蛋糕/芝士韓式炸雞/西班牙油條/肉醬薯蓉

發佈: 2021.01.12
文: 蘇潁琦

焗爐是個快靚正的廚房好幫手,以烤焗的方式較健康,較好時間溫度不用看火,這次介紹10款懶人焗爐食譜,有打卡早餐、自製小食、大熱甜品、晚餐料理家常菜,每款都快速完成,簡單幾步做好,一於「翹埋雙手」等食!

 

1. 酥皮煙肉焗蛋

打頭陣有酥皮煙肉焗蛋,製作十分簡單,只需要四樣主要材料,零失敗放入焗爐20分鐘就得,酥皮好香脆可口,細細個,整完帶返Office做早餐食都好方便。

 

2. 芝士雲朵多士

爆漿芝士雲朵多士15分鐘就做好,非常快手,材料有家中必備的蛋、方包和多士,面層的流心蛋黃,加上雲朵蛋白打卡一流,外脆內軟、口感輕盈集於一身!

 

3. 法式蘋果布丁蛋糕

法式甜品看似複雜,這個食譜只有五種材料,攪拌好麵糊後放上水果入焗爐,就可以輕鬆做好無難度,天氣凍時食一啖即刻暖笠笠,當早餐、下午茶又得,是很好的comfort food呢!

【焗爐食譜】不用看火!10大超簡單懶人焗爐食譜 布甸蛋糕/芝士韓式炸雞/西班牙油條/肉醬薯蓉

 

4. 牛油果芝士焗蛋

吃飽早餐才有力量返工返學,這款懶人必備牛油果芝士焗蛋飽肚感高,牛油果配上受歡迎的流心蛋及拉絲芝士,簡單放入焗爐就可以了,食完一定有個Good morning!

 

5. 芝士韓式炸雞翼

韓式炸雞一向都是不少人最愛,但油炸方式及芝士實在過於邪惡,分分鐘卡路里爆標,這個焗爐版本比較健康,減低罪惡感,亦保留炸雞原有的香脆,還有超吸引拉絲芝士,用來打卡一流。

【焗爐食譜】不用看火!10大超簡單懶人焗爐食譜 布甸蛋糕/芝士韓式炸雞/西班牙油條/肉醬薯蓉

 

6.  芝士肉醬焗薯蓉

肉醬意粉老是常出現可能都食到厭,用香滑薯蓉代替意粉,做法同樣簡易。蕃茄肉醬酸酸甜甜十分開胃,放入焗爐等芝士溶化,超級治癒,開焗爐一刻香噴噴,讓人吃不停口,當午餐、晚餐一流。

【焗爐食譜】不用看火!10大超簡單懶人焗爐食譜 布甸蛋糕/芝士韓式炸雞/西班牙油條/肉醬薯蓉

 

7. 免炸西班牙油條Churros

Churros近年在香港興起,售價亦頗昂貴,其實自己整非常容易,而且成本低,只需蛋、牛油、麵粉這些常用材料,零難度焗爐版本不會有「油淋淋」的感覺,健康之餘亦減少油膩感。

 

8. 布朗尼曲奇

這款曲奇朱古力勁香濃,食到一粒粒朱古力,做法零失敗很簡單,沒有布朗尼的厚重感覺,但仍然保留軟糯口感,外脆內軟,變成一個個曲奇,是最適合同朋友分享的小食甜品。

 

9. 蝴蝶酥

新手零難度焗爐食譜!這款蝴蝶酥小食非常酥脆可口,只需要三樣材料和簡單步驟,心型賣相非常吸引,絕對令人一口接一口吃不停,整來送給朋友分享亦非常有板有眼。

 

10. 芝士烤牛奶

這款甜品小食近期在台灣大熱,其實超簡單,外層咬落脆脆地有芝士味鹹香,裏面卻像燉蛋布丁般嫩滑,充滿鹹甜滋味。除了用焗爐,用氣炸鍋代替都可以做到同樣效果,整完快點post上網呃like!

↓【限時搶⚡】位元堂養生花茶系列!↓

↓ 選用優質草本成分!/ 無添加香料同防腐劑!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more